Ardea purpurea

Garra royenca
Garra royenca (Ardea purpurea)
Estato de conservación
En regresión.
Clasificación scientifica
Dominio: Eukaryota Reino: Animalia Filo: Chordata Clase: Aves Orden: Ciconiiformes Familia: Ardeidae Chenero: Ardea Especie: A. purpurea
Nomenclatura binominal
Ardea purpurea
Linnaeus, 1758

A garra royenca (Ardea purpurea (L., 1758)), garrapescaire royo u pescatera roya ye un ave de dimensions parellanas d'o garrapescaire griso, con una coloración més naranchenca per as partis més baixas d'o cuerpo, y un caracteristico debuixo de linias negras per a cara y o cuello, que la fan distinguible a escape d'a suya parient. Tien habitos més timidos que no la pescatera grisa, y en as nuestras latitutz ye menos numbrosa que l'altra ave, y per ixo no se la vei a sobén.

Se'n conoixen quatro subespecies:

• Ardea purpurea purpurea (L., 1766) d'Eurasia.
• Ardea purpurea bournei (Naurois, 1966), d'as Islas d'o Cabo Verde.
• Ardea purpurea madagascarensis (Oort, 1910), de Madagascar.
• Ardea purpurea manilensis (Meyen, 1934), d'Asia meridional y l'Indico.

Curiosidatz

Bells historiadors piensan que podería ser que ista especie estás l'orichen d'o mito d'o Fénix d'es echipcianos.

Vinclos externos

• Wikispecies tiene un articlo sobre Ardea purpurea.
• Se veigan as imáchens de Commons sobre a garra royenca.
• (en) A garra royenca en a Lista Roya d'a IUCN