Escatafuello

Os chabalins son animals que sueltan escatafuellos d'advertencia cuan se sienten menazaus.

O escatafuello ye una vocalización prefunda y breu que emiten bels animals cuan se sienten en un estau alterau d'animos, especialment cuan se sienten menazaus u quieren emitir una advertencia ta unatro animal u persona que se troba en o entorno amanau.

Cualques animals, como lo chabalín, emiten escatafuellos cuan se troban sorprendius por as personas en o mont, como mesura disuasoria u querendo aparentar que son disposaus a atacar si l'intruso no se retira. Manimenos, a mayoría de vegadas istas menazas s'esbafan con que o ser humano faiga cualsiquier cenyo que a l'animal le pueda pareixer amenazador, y eslampan galopando a las cuatro suelas pus no son animals guaire agresivos. Curiosament, os chabalins encara sueltan escatafuellos mientras corren fuindo, por o que en ixas circumstancias podrían tener unatro significau no estrictament relacionau con a disuasión.

Se veiga tamién

• Estrapalucio.
• Gramito.
• Belito.
• Caqueyo.
• Piulido.
• Escanyutito.
• Mauliu.
• Tulido.
• Otulido.

• Datos: Q1188507