Escamallo

De Biquipedia
Ir a la navegación Ir a la búsqueda
Un camín por a costera que fa escamallar con mirar-lo.

Un escamallo ye un cansancio gran que se fa por treballar fisicament de firme u por arribar ta bell puesto caminando[1][2] u correndo sin parar pa escansar-se, lo que dimpuesas deixa estransillau (escamallau) u chafegando buens ratos a qui l'ha feito. En un sentiu más amplo, l'escamallo puede estar tamién l'agotamiento fisico d'una fayena dura.[3]

«No se troban mica cansaus de l'escamallo de totz estes diyas»[2]

L'acción de someter a un escamallo ye «escamallar»:

«No le metas tanta carga a la burra que la escamallarás».

A persona que ye cansada, más que más si ye de caminar,[4] se diz que ye «escamallada» u «escamallau»:

  • «Vienen escamallaus».[4]

Referencias[editar | modificar o codigo]

  1. CASTILLO SEAS, Fabián. Bocabulario de l'aragonés d'Alquezra y lugars d'a Redolada. Consello d'a Fabla aragonesa, 2001. ISBN 84-86036-94-1
  2. 2,0 2,1 BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions, 2008. ISBN 978-84-8094-061-0
  3. CORONAS CABRERO, Mariano, Vocabulario aragonés de Labuerda-A Buerda (Sobrarbe); Prensas Universitarias de Zaragoza + Xordica Editorial, 2007. ISBN 978-84-96457-23-2
  4. 4,0 4,1 QUINTANA i FONT, Artur, El Aragonés nuclear de Nerín y Sercué (Valle de Vio); Institución «Fernando el Católico» + Gara d'Edizions, 2007. ISBN 978-84-8094-060-3

Se veiga tamién[editar | modificar o codigo]