Enerchía nucleyar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Central nucleyar d'Azcón.

A enerchía nucleyar ye l'aproveitamiento d'a capacidat que tienen os isotopos de bels elementos quimicos ta experimentar reaccions nucleyars y emitir enerchía en a transformación. Una reacción nucleyar consiste en a modificación d'a composición d'o nuclio atomico d'un elemento, que podría mutar y pasar a estar atro elemento como consecuencia d'iste proceso.

Bi ha dos formas d'aproveitar a enerchía nucleyar, convertido-la en calor: a fisión nucleyar, en a que un nuclio atomico se subdibide en dos u mas grupos de particlas y a fusión nucleyar, en a que a o menos dos nuclios atomicos s'unen ta formar atro diferent.

Enerchía nucleyar en Aragón

En Aragón no bi ha centrals nucleyar actualment, manimenos habió un prochecto en l'anyo 1976 ta construyir una central nucleyar en o mesmo puesto d'a central termica d'Escatrón. En un referendum que se fació en o lugar en 1977, un 93,92% d'os vecins d'Escatrón refirmaban a instalación d'a central nucleyar. A la fin a central no se construyó debito a la "moratoria nucleyar".

Sí que existen centrals nucleyars en activo en as provincias mugants con Aragón:

• Ascó I. Situata en Azcón (Tarragona). Inagurata en 1982. Tipo PWR. Potencia 1.032,5 MWe
• Ascó II. Situada en Azcón (Tarragona). Inagurata en 1985. Tipo PWR. Potencia 1.027,2 MWe
• Cofrentes. Situata en Cofrentes (Valencia). Inagurata en 1984. Tipo BWR. Potencia 1.097 MWe
• Vandellós II. Situata en Vandellòs (Vandellòs i l'Hospitalet de l'Infant, Tarragona). Inagurata en 1987. Tipo PWR. Potencia 1.087,1 MWe
• Trillo. Situada en Trillo (Guadalachara). Inagurata en 1987. Tipo PWR. Potencia 1.066 MWe

Referencias

• Datos: Q12739
• Multimedia: Nuclear power / Q12739