Electricista

De Biquipedia
Ir a la navegación Ir a la búsqueda
Un electricista treballando

Un electricista, u tamién dito popularment lucero, ye o profesional que s'ocupa de reyalizar totz os treballos relacionaus con a electricidat. Dada a gran transcendencia y uso masivo d'a electricidat en a iluminación bi ha diferents especialidatz d'ista profesión a on cal destacar a os electricistas que s'ocupan d'os retz d'alta tensión, os electricistas que s'ocupan d'as instalacions electricas en as casas, edificios, tallers y locals comercials, os electricistas que s'ocupan d'as instalacions y mantenimiento de l'alumbrau publico d'as carreras, y os electricistas que s'ocupan d'a reparación d'averias electricas d'a maquinaria y electrodomesticos.

Formación[editar | editar código]

Electricista reparando un chenerador domestico.

En o Aragón os conoiximientos tecnicos que s'amenistan pa exercer ista profesión son ligaus a os ciclos formativos u a la carrera d'incheniería electrica, más centrada en o disenyo d'instalacions que en o suyo mantenimiento.

Hue en día muitos centros d'amostranza forman profesionals en o campo d'a electricidat industrial a on o estudiant adquiere conoiximientos de l'automatización de maquinaria pa fer más eficaces os procesos de producción que requieren as interpresas a causa d'os avances tecnolochicos.

Pa poder reyalizar instalacions electricas, tanto de baixa tensión como d'alta tensión, se desiche amás a profesionals una acreditación oficial que guarancie o conoiximiento tecnico necesario pa poder reyalizar-las seguntes as normas de seguridat vichents.

Funcions[editar | editar código]

Tester. Instrumento d'electricista.

Os tecnicos electricistas s'encargan d'apanyar dende enchufes dica instalacions de centros de carga, panels electricos industrials, linias d'alta tensión, etc.

O treballo d'electricista no se limita nomás a treballar en viviendas u edificios, con o creiximiento d'a industria os electricistas se forman y capacitan pa reyalizar treballos como o de reparación y mantenimiento preventivo de toda mena de motors electricos monofasicos y trifasicos, contactors, limitadors electricos, rancadors suaus (soft start), variadors de freqüencia, temporizadors, electrovalvulas, conexions en estrela y delta de transformadors, manullo adequau de productos pa uso en instalacions electricas, y respectando a normativa de seguridat que suchiere o codigo nacional electrico (codigo NEC).

Atras fainas usuals son:

  • Intervencions urchents d'electricista por a manca de corrient electrica por:
  • Derivacions
  • Reparación, sustitución u instalación d'acometida cheneral
  • Enamplación de quadros electricos existents y instalación de nuevos quadros
  • Reparación, sustitución u instalación de linias de derivación individual, cercuitos, linias electricas ...
  • Sustitución u instalación de mecanismos de protección (diferencials, interruptors magnetotermicos)
  • Enamplación d'a instalación
  • Sustitución u instalación de luces, halochens, enchufes, claus de luz, temporizadors d'escala ...
  • Prochectos d'instalación u renovación d'instalación electrica d'alcuerdo a o reglamento
  • Electrotecnico de baixa tensión
  • Dictamen d'estau d'a instalación
  • Emisión de certificaus d'instalación electrica en baixa tensión

Intervencions urchents d'electricista[editar | editar código]

  • Substitución de diferencials, interruptors magnetotermicos, fusibles, etc. que deixan a casa totalment u parcial sin de suministro electrico.
  • Localización y reparación de cortocercuitos y derivacions.

Elementos de treballo[editar | editar código]

Os electricistas treballan con materials, ainas manuals y equipos de verificación y control, que cal que cumplan rigurosament as normas de seguridat arredol d'ista profesión. Entre ells bi ha:

Se veiga tamién[editar | editar código]

Vinclos externos[editar | editar código]