El Fary
| El Fary | ||
|---|---|---|
 | ||
| Información personal | ||
| Nombre | José Luis Cantero | |
| Embotada | El Fary | |
| Naixió | 20 d'agosto de 1937 .svg){kind=small} Madrit (Segunda Republica Espanyola, hué Espanya).
| |
| Murió | 19 de chunio de 2007  Madrit
| |
| Información musical | ||
| Orichen | ||
| Estilo | Copla, Pop. | |
| Ocupancia | {{{Ocupancia}}} | |
| Instrumentos | Cantaire | |
| Tiempo | ||
| Discograficas | {{{Discografica}}} | |
| Relacionau con | {{{Artistas_relacionaus}}} | |
| Pachina web | ||
José Luis Cantero, naixito de Madrit o 20 d'agosto de 1937, y muerto lo 19 de chunio de 2007, en Madrit (Espanya), conoixito profesionalment como El Fary, yera un actor y cantaire espanyol. Yera o pai d'o tamién cantaire Javi Cantero.
O mas chóven de seis chirmans, Cantero naixió en una familia humil en o barrio de Las Ventas en Madrit, amán d'a plaza de toros. Quan yera chicorrón no le cuacaba ir ta la escuela y preferiba pasar o tiempo remerando a lo suyo idolo, lo cantaire de copla Rafael Farina. De Farina viene o nombre d'El Fary.
Antis de trunfar, El Fary treballó de chardinero y taxista ta ganas os diners que le valioron ta gravar as suyas primeras cancions. Quan ya heba editatos y gravatos os discos, se diz que ell mesmo os vendeba en l'azoque de Madrit. Allora tamién participaba en competicions de cantaires en a radio y actuaba en fiestas locals. No estió dica que no tenió 30 anyos que El Fary podió ganar diners como cantaire quan le gritoron de Cordoba (Espanya) ta sustituir a atro cantaire. Dimpués, o lechendario Antonio Molina lo contrató ta una chira de dos meses.
En os anyos 1990 El Fary alcanzó lo exito en o mundo d'a televisión, quan protagonizaba la serie Menudo es mi padre en o papel d'un taxista. O papel se fació a mida ta ell, ya que en a suya vida tamién estió taxista. Mesmo lo títol d'a serie yera un chuego de parabras con a estatura d'El Fary.
Rematando a decada la suya carrera tenió atra vegata un nuevo empentón quan o director de cine Santiago Segura gravó a comedia Torrente: El brazo tonto de la ley. O protagonista, Jose Luis Torrente (papel interpretato por o mesmo Santiago Segura), ye un policía malcriato, racista y corruto que ye fan d'El Fary. A canción principal d'a pelicula, Apatrullando la ciudad, yera cantata por El Fary.
En chinero de 2007, dimpués de Nadal, se le diagnosticó un cancer de polmón, pero no heba remeyo y le daban un anyo y meyo de vida. A familia querió mantener-lo en a intimidat, pero en abril de 2007, quan li facioron una entrevista (la zaguera ofreixita por ell), fació publico que teneba dita malautía. Morió o 19 de chunio de 2007, a las 9 y meya d'o maitín alto u baixo, en un hespital de Madrit con 69 anyos d'edat.
Vinclos externos[editar | modificar o codigo]
- Club de fans d'El Fary.