Edat Moderna

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'arribada de Colombo ta America gosa ubir a Edat Moderna

Se conoix en a ciencia d'a Historia con o nombre d'Edat Moderna a o periodo historico que abraca dende zaguers d'a Edat Meya dica o prencipios d'a Edat Contemporania, estando asinas o tercer periodo en a Historia d'a Humanidat dende o punto d'envista cronolochico. Se gosa considerar, seguntes bel historiador, que prencipia en 1453 con a cayita de Constantinoble en mans d'os Imperio Otomán u en 1492 con a plegata en America de Cristofo Colombo, rematando en 1789 con a Revolución francesa. A branca d'a Historia que tien iste periodo como obchecto d'estudio ye dita Historia Moderna.

Ista división ye mas que mas basata en a cultura occidental y tien a ideya implicita d'una Edat Meya escura que se basa en l'escurantismo por contraposición a una Edat "Moderna" a on as suyas valors son de modernitat, progreso y razón, reprenendo as valors de l'humanismo. Posteriorment, s'adhibió una cuarta edat, a Edat Contemporania, a on a predominancia ye de dos fuerzas socials amaneixitas mientres a Edat Moderna, a burguesía y o capitalismo que ye o suyo corolario.

Antiparte, en una atra perspectiva, mientres a Edat Moderna ye cuan America s'incorpora a o territorio d'a civilización occidental, mesmo que bella parti d'Asia y d'Africa que dica l'inte no teneban connexión, en una rota enta una civilización de traza global.