Dolina

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Dolina, Causse de Sauveterre, Losera, Francia.

Bella dolina se forma cuan s'escacha o teito d'una cueva sotorrana. Ye una forma de releu común en terrenos con roca calsinera u cheso.

Una dolina ye una depresión cheolochica caracteristica de releus karsticos. Se forman por disolución u por fundimiento.

Denominacions

Prene o suyo nombre d'os luengas eslavas, (en as que que significa val), porque o modelau karstico lo describioron cientificament por primera vegada en a rechión de Carso, a on que se charran as luengas eslovena y croata.

En a peninsula de Yucatán as dolinas embadinadas que tienen una laguna dentro se dicen cenotes.

Tipos

• Dolinas en envasador: s'han formau por disolución d'o carbonato calcico por l'acción de l'augua superficial que cuela por un forato.
• Dolinas en finestra u d'eschachamiento: s'han formau por escachar-se o teito d'una cueva que s'ha feito prou gran en procesos de disolución.
• Dolinas aluvials: s'han formau en o substrato cheolochico que bi ha baixo uns sedimentos fluvials. Os materials chesosos u calsinosos se van disolvendo por l'acción de l'augua sotorrana d'un río, y plega l'inte que o suelo aluvial que bi ha dencima d'o nivel freatico se sulse. Son comuns en Utevo, Casetas y Lo Burgo d'Ebro.
• Dolinas-fondada.

Campos de dolinas

As dolinas pueden presentar-sen en corros. En os Pireneus bi ha corros de dolinas en Cupierlo (Sierra de Guara), en o Cierco d'Armenya y en Larra. En o Sistema Iberico destacan as dolinas d'a superficie d'erosión fundamental d'a Cordelera Iberica en as parameras de Pozondón y de Villar d'el Cobo (con a paramera de Loma Alta).

Bibliografía

• Eumenio Ancochea Soto, Francisco Anguita Virella, Fernando Moreno Serrano. Geología Procesos externos. Editorial Edelvives, 1990.
• Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda, 1993.
• Alain Foucault y Jean-François Raoult Diccionario de Geología. Masson, 1985.

Vinclos externos

• Se veigan as imáchens de Commons sobre Dolina.

Formas de terreno karstico
Endokarsticas Canyo · Espluca · Estalactita · Estalagmita · Sima Exokarsticas Dolina · Lenar · Polje · Toscar · Val karstica Fluvio-karsticas Foz fluvio-karstica Datos: Q188734 Multimedia: Sinkholes / Q188734