Diplomacia

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
As Nacions Unidas, con seu en Nueva York, son a organización diplomatica internacional mas gran.
Ger van Elk, Symmetry of Diplomacy, 1975, Groninger Museum.

A diplomacia ye a conducta de negociacions entre as personas, os grupos y os estatos.

A palabra diplomacia deriva d'o diploma romano que modernament significa acto churidico. Os diplomaticos son as personas que s'adedican profesionalment a lo exercicio d'a diplomacia.

Con un uso formal se refiere a la diplomacia internacional exercita por diplomaticos profesionals.

Tipos de diplomacia[editar | modificar o codigo]

Dica la Primera Guerra Mundial encara existiba la dita diplomacia secreta, en a que se consideraba normal y deseyable que os compromisos, alcuerdos y pactos entre estaus no fuesen conoixitos ni por os atros estaus ni por a opinión publica interna. Hue día ista practica ye prohibita y se fa la diplomacia ubierta.

Bi ha dos prencipals tipos de diplomacia: a diplomacia bilateral entre dos estaus y a diplomacia multilateral que embreca muitos estaus (diplomacia internacional) u bels poquez estaus (diplomacia rechional).

A diplomacia multilateral se practica dende o sieglo XIX en o Congreso de Viena. En os zaguers anyos s'ha emplegato en a sinyatura de diferents tractatos internacionals y en institucions como as Nacions Unidas entre muitas atras.

Terminolochía diplomatica[editar | modificar o codigo]

Una misión diplomatica ye o termin colectivo ta una colla de diplomaticos d'un mesmo país. L'embaixador ye o cape d'una embaixada.

O cuerpo diplomatico ye o conchunto de toz os diplomaticos residents en un país determinato.

Orichen d'a diplomacia moderna[editar | modificar o codigo]

En a forma actual a diplomacia nomás existe dende o Renaiximiento ya que sieglos antis os emisarios que ninviaban os diferents estaus yeran nomás mensachers sin de papel de negociador.

Dende a Edat moderna, con a teorización d'o dreito d'os estaus (ius gentium) a diplomacia se presenta como una alternativa a la guerra.

Un destacato diplomatico estió lo cardenal Richelieu (1586-1642), primer ministro d'o rei Loís XIII de Francia. Estió éll qui creyó a noción d'a razón d'estato que privilechia la seguridat d'o estato y d'o territorio sobre atras prioridaz.

Bibliografía[editar | modificar o codigo]

  • (es) Diez de Velasco, Manuel. Instituciones de Derecho Internacional Público. Madrit, (2006).
  • Plantilla:Pr Albuquerque de Mello, Celso. Curso de Direito Internacional Público. Río de Janeiro, (1986).
  • (it) Maresca, Adolfo. La missione speciali. Milán, (1975).
  • (es) Perez del Cuellar, Javier. Manual de Derecho Diplomático. Lima, (1964).
  • (es) Jara Roncati, Eduardo . La función diplomática. RIL Editores, 2ª edición, Santiago de Chile (2013).
  • (en) Cohen, R. . Reflections on the New Global Diplomacy (Innovation in Diplomatic Practice, Studies in Diplomacy). MacMillan Press Ltd, Londres, (1999).
  • (es) Nicolson, H.. La Diplomacia. FCE, México, (1995).
  • Berridge, G.R. Diplomacy: theory and practice. Prentice Hall/Harvester Wheatsheaf, (1995).
  • (es) Cantilo, J.M.. La profesionalidad del diplomático. GEL · Buenos Aires, (1993).
  • (es) Podestá Costa-Ruda . Derecho Internacional Público, Volumen 1. Ediciones TEA, 1979.

Vinclos externos[editar | modificar o codigo]