Dinastía Ming
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Gran Ming 大明 | ||||
| ||||
 | ||||
| Capital | Nanquín (1368-1421) Pequín (1421-1644) | |||
| Idioma oficial | Chinés | |||
| Gubierno | Monarquía | |||
| • Formación | 1368 | |||
| • Desaparición | 1644 | |||
.svg){kind=small}
A dinastía Ming estió una dinastía autoctona que gobernó en China dende 1368 dica 1644, periodo conoixido como Gran Ming, succedendo a la dinastía Yuang d'orichen mongol y precedendo a la dinastía Qing. Dimpués d'a suya caita perduraron beluns regimenes leyals a lo trono Ming dica 1662 , conoixius comunment como los Ming d'o Sud.
Orichen
[editar | modificar o codigo]En a decada de 1350 dimpués d'una rebelión en o baixo Yangzi se funda un estau con capital en Nankín que se proclama continador d'os Song. En 1366 Zhu Yuanzhang, un campesín se fa con o control d'a rebelión. Dos anyatas mes tarde funda en Nankín a dinastía d'os Ming y se converte en l'emperador Hongwu. En 1369 fuye de Pequín o zaguer emperador Yuang (dinastía d'orichen mongol), y os mongols orientals son derrotatos cuasi pa cutio.
O nuevo rechimen
[editar | modificar o codigo]Hongwu se considera hereu d'os Han, no d'os Song, y veye en l'agricultura a riqueza de China en cuenta de veyer-la en o comercio. Ye un autocrata que desconfía de l'administración. Bi ha un desentendimiento entre o gubierno imperial y a sociedat mercantil d'o baixo Yangzi, y tamién entre l'administración (neoconfucianista) y a cort, (on os eunucos que dependen dreitament de l'emperador tienen cada vegata mes poder). Os eunucos dirichen as policías secretas. Hongwu muere en 1398. L'emperador Yongle cambeya a capital en 1421, esleyendo Pequín.
A navegación
[editar | modificar o codigo]Alavez os navilios chineses yeran millors que los d'os europeus. Yongle encarga a lo eunuco Zheng He grans expedicions maritimas (entre 1405 y 1433 se'n fan siet). Zheng dica arriba en Insulindia, India d'o Sud, Golfo Persico, Mar Roya y Africa oriental. L'obchectivo ye diplomatico, persuadir a los estaus vesitatos que reconoixcan a sobiranía chinesa.
En 1433 as expedicions deixan de fer-se porque son costosas, os mandarins s'oposan a lo contacto con forans y a lo poder d'os eunucos. Anyatas dimpués que os chineses deixasen de fer expedicions, as expedicions portuguesas pasarán ya o cabo de Buena Esperanza.
Luita contra os mongols
[editar | modificar o codigo]En a decada de 1430 os mongols occidentals se fan mes poderosos que os mongols orientals u oiratos y se converten en una amenaza pa os chineses. En 1449 os mongols orientals derrotan a los chineses en Shanxi, fan prisionero a l'emperador y saqueyan o norte de China.
Pa protecher-sen d'os mongols orientals, que no consiguen creyar un mando unificato y tamién luitan entre ellos, os Ming reconstruyen a Gran Muralla dende 1474. O mongol occidental Dayan Can se converte en un nuevo lider mongol, y a fins d'o sieglo XV infliche a los chineses grans derrotas. En a decada de 1550 Altan Khan, o nieto d'él, torna a atacar a los chineses en a comarca de Pequín, y consigue un tractau comercial que lo beneficia en 1574.
L'arribata d'os europeus
[editar | modificar o codigo]Dimpués de fer-sen con Malaca en 1511, os portugueses plegan a las costas de China en 1514. Pretenden negociar con as autoridaz imperials, pero ya os emisarios d'o soldán de Malaca heban advertito a los chineses como yeran os portugueses. Prohiben o comercio con os europeus pero os chineses d'o sud comercian clandestinament. Os portugueses s'estableixen en Macau en 1535 y i fundan una colonia dende a decada de 1550, en uns tiempos que una piratería chaponesa con mayoría chinesa fa pitanzas en a costa dende Shandong dica Guangdong. A piratería plega a un apocheu entre 1540 y 1565, en un tiempo que a marina imperial ye abandonata dende fa un sieglo y no puet reaccionar. As autoridaz evacuan as zonas litorals dando a espalda a la politica maritima.
Macau atraye a los chesuitas, que aprenden chinés. En 1601 o chesuita italiano Matteo Ricci s’estableix en Pequín y despierta l'atención d'a clase intelectual chinesa con a suya astronomía. Ricci emprende o suyo apostolato evitando considerar o culto a los antipasaus como incompatible con o cristianismo. A posición de Ricci y atros chesuitas d'a suya escuela fará que en o futuro lo critiquen y orichinará a disputa d'os ritos chineses en a ilesia catolica.
A decadencia d'os Ming
[editar | modificar o codigo]En 1592 os chaponeses invaden Corea y os Ming aduyan a lo suyo reino tributario, encomenzando una guerra que dura dica 1598. A principios d'o sieglo XVII bi ha una grau crisi politica entre os eunucos y l'alta administración. Puyanos impuestos y bi disturbios. Dende 1627 as revueltas son cada vegata mes lumerosas y ixemenatas. En 1643 un d'os cabos rebels, Li Zicheng, proclama una nueva dinastía en Xi'an, y a l'anyo vinient entra en Pequín.
Bibliografía
[editar | modificar o codigo]- Jean Sellier: Atlas de los pueblos del Asia meridional y oriental. Acento Editorial.
Vinclos externos
[editar | modificar o codigo]
Se veigan as imáchens de Commons sobre a Dinastía Ming.
| Control d'autoridaz |
|
|---|
Datos: Q9903- Multimedia: Ming Dynasty / Q9903