Radioactividat
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A radioactividat ye un fenomeno fisico natural que presentan cualques substancias con nuclios atomicos inestables, istas substancias radioactivas inestables pierden enerchia emitindo radiacions en forma de particlas u ondas eletromagneticas ta lograr uns nuclios atomicos mas estables. O termin radioactividat fue inventato por Marie Curie en 1898.
As radiacions producitas mientres o proceso de desintegración d'os nuclidos son capaces de dentrar en cuerpos opacos, ionizar l'aire, imprentar placas fotograficas y excitar a fluorescencia de bella substancia. Os radionuclidos naturals mas frecuents en as rocas terrestres son o isotopo 238 de l'uranio (U-238), o isotopo 232 d'o torio (Th-232) y mas que mas o isotopo 40 d'o potasio (K-40).
A unidat d'o Sistema Internacional d'Unidaz ta la desintegración radioactiva (tanto ta la radioactividat natural como ta l'artificial) ye o becquerel (Bq). Una antiga unidat heba estau lo curie (Ci), que primero se definió como l'actividat d'un gramo d'o isotopo 226 d'o radio en estau puro y dimpués como l'actividat d'un radionuclido con una tasa de desintegración de 3,7 × 1010 Bq.
A desintegración radioactiva ye tamién a transformación espontania, con o paso d'o tiempo, d'os atomos d'un elemento quimico, en un u mas elementos diferents. Se diz tamién radioactividat. A radioactividat no se da en toz os isotopos, sino en os isotopos inestables (radioisotopos).
No s'ha de confundir a radioactividat, entendita como a desintegración radioactiva, con l'absorción, y emisión de fotons por bella molecula, por eixemplo lo CO2; ya que si bien, dende o punto d'anvista d'a fisica suposa un proceso parellán a la desintegración, por que leva asociata l'absorción, u emisión, de particlas, por una atra particla, en o segundo caso no cambeya o numero atomico de dengún elemento.
| Control d'autoridaz |
|
|---|
Datos: Q11448
Multimedia: Radioactivity / Q11448