Descusión:Lista de picos d'a provincia de Teruel

D'entre los cambios feitos, beluns ortograficos (Peñacalva ya existiba en lo periodo medieval aragonesoparlant y se puede escribir tranquilament como Penya Calva), quiero destacar que en qüestión de vinclos no se feba distinción entre los picos y sierras en Palomera, Pelarda y Modorra, y esto leva a confusions importants. Por eixemplo lo Pico Modorra no ye en Sierra Modorra sino en la Sierra de Cucalón.--EBRO (descusión) 20:14 3 set 2018 (UTC)

Molatiella y Moratiella

Bi ha documentacions medievals en unas quantas comarcas terolanas d'oronimos Molatiella/Moratiella, mesmo en la sierra d'Albarrazín cerca de la muga con Castiella. Encara que no tienga la referencia exacta pa estos dos oronimos con vertices cheodesicos, si que existió esta denominación porque son oronimos antigos, que se remontan a una formación en aragonés: Moleta+-iella > *Moletiella > Molatiella, igual como en Romero+-eda > Romereda > Romareda. En aragonés terolano existioron formacions como Lomatiella y Poyatiella. Como ye razonable que en lo futuro pueda documentar Molatiella u Moratiella pa los oronimos en qüestión si se publican mes textos locals, (se documentan en la provincia a lo norte y a lo sud de Gúdar), los rearagonesizo con -iella porque ye lochico que haigan existiu asinas en lo suyo orichen. Si hesen estau modernos y d'orichen castellán habrían apareixiu como Muelecilla).--EBRO (descusión) 20:26 18 feb 2019 (UTC)

Lo mesmo criterio emplegaré pa los toponimos fosilizaus *Serretilla / serratilla y lomatilla que corresponden a antigas serratiellas, lomatiellas y poyatiellas en aragonés local y mozarabe. Lo castellán no chenera estos toponimos porque daría serrilla, serrecilla, lomilla.--EBRO (descusión) 05:46 27 abr 2021 (UTC)