Descusión:Congosto de Ventamillo

Ramon Violant i Simorra en «El Pirineo Español» (1949) le dice Ventaniello.--Lascorz (descusión) 19:07 17 chun 2021 (UTC)

Si esta ye la forma orichinal estaría bien un renombramiento. La ortografía de l'academia permite escribir aniello y capiella en variants que han perdiu la forma orichinal de lo sufixo -iello, pero si ye una confusión entre sufixos ya no i sería tant d'acuerdo. Los normalizadors de l'aragonés dan por buenas las hipercorreccions en casos como Frondiellas porque lis pareixe que esta forma ye mes aragonesa que la forma conservada en l'oficial, y s'entibocan porque ye Frondellas la forma tipicament aragonesa (en castellán sería *frontejas, que proviene de FRONTĬCULA, ye como si en un diccionario aragonés s'aconsellase la forma coniello en cuentas de conillo/conello/conil. No ye la sola cosa que he visto, tamién he visto como las rimayas han esdeveniu oficialment en toponimos adaptaus a l'aragonés rimallas.--EBRO (descusión) 19:47 17 chun 2021 (UTC)

Bueno, ixo lo deciba a modo de curiosidat. A verdat ye que en tiengo bella duda, de si Violant Simorra lo heba sentiu de verdat u ye una reconstrucción d'ell. O caso ye que Ventamillo ye un toponimo bien vivo y en uns puestos an que aún se charra aragonés. Por lo tanto ixo caldría que prevaleciese. En Castillón de Sos mismo, Martín de las Pueblas y Hidalgo Arellano en sacan una etimolochía popular simpatica sobre si yera un puesto pa «aventá el millo», con que ya tos podetz pensar si no le'n dicen...--Lascorz (descusión) 20:07 17 chun 2021 (UTC)