Descusión:Ápex

De Biquipedia
Ir a la navegación Ir a la búsqueda

Iste caso ye un termino reconstruiu a partir d'o etimo latín <APEX y fendo comparanza con a forma que han adoptau atros idiomas vecinos con solucions foneticas parellanas a l'aragonés. Desconoixco u no m'he trobau nunca con a parola en a lengua viva, pero ye un termino necesario si se quiere escribir sobre conceptos scientificos. Tenemos parolas patrimonials que han dau solucions parellanas a partir d'etimos latins semellants, como cotorniz <coturnix, -ĭcis y perdiz <perdix, -ĭcis, en as quals m'he basau pa triar a terinacion en -Z y a tonicidat aguda en a parola (/pérdix/, /cotúrnix/ -> parolas agudas en aragonés). --Lascorz ~ ('kjez'res? [Descusión]) 18:19 29 chun 2018 (UTC)

Basicament y provisional, soi d'acuerdo con lo que dices. Manimenos esto entronca con un atro que quiero ixamplar en atra discusión que ye l'apocopa en aragonés, que presenta lochicas circunstancias (de)pendendo de si ye cultismo, semicultismo u parabra patrimonial. Ya m'explicaré en atra discusión.--EBRO (descusión) 12:24 30 chun 2018 (UTC)
Tamién hemos de parar quenta que lo castellán presenta lo doblet ápice (cultismo) y apex (cultismo basau en lo nominativo), a diferiencia de lo catalán que no tienen que la forma culta basada en lo nominativo (apex) por no haber heredau lo catalán actual atra forma.--EBRO (descusión) 13:34 30 chun 2018 (UTC)
Soi mirando la información sobre este tipo de palabras en castellán, y sin indicacions en las pachinas d'orichen sobre si son cultismos, semicultismos u patrimonials, veigo dos conchuntos basicos.
  • A) Exdruixols: várice, vértice, vórtice, apéndice, ápice, artífice, códice, cómplice, hélice, índice, óbice, ónice, pontífice, sílice. Tienen tot l'aspecto d'estar cultismos adaptaus asinas dende palabras latinas acabadas en -ex u -ix: COMPLEX, SILEX, CODEX, INDEX, ecetra.
  • B) Agudos: perdiz, cerviz, feliz, variz, matriz, que yeran plans en latín antes de la perda de la terminación d'acusativo. FELĪCEM > feliz, antiparte los nominativos singulars en -ix como FELIX ya yeran agudos en latín.

Suposo que la cosa no ye tan sencilla, pero tenemos estos dos cabos. Curiosament en aragonés tenemos apéndiz bien documentau. Si confirmásenos que los esdruixols de lo conchunto A son totz cultismos, no veigo garra inconvenient en que escribamos en biquipedia los cultismos derivaus de palabras latinas -ex y -ix como acabaus en aragonés en la terminación atona -iz, tamién hemos de veyer si l'academia ha previsto estos casos. Quiero decir que de la mesma traza que existe apéndiz derivada de APPENDIX, APPENDICIS, la forma latina APEX, APICIS adaptada como cultismo sería ápiz con acento en la a, pero querría trobar-ne mes eixemplos pa contimparar si ye posible.--EBRO (descusión) 18:37 30 chun 2018 (UTC)

Un atra palabra pa comparar en aragonés ye cáliz < CALIX, CALICIS, documentada ya en aragonés medieval. Tamién ye documentada pontífice con -e final.--EBRO (descusión) 16:16 1 chul 2018 (UTC)
Tamién ye verdat que sin tener documentada la parola en garra forma viva ni literada d'aragonés, probablement tiene mas sentiu tractar-la como cultismo (lo menos, dica que s'en trobe información contraria). Istes dias he visto que o castellano emplega a forma ápex habitualment en o contexto d'atras disciplinas scientificas, y no lo sabebe, razón por a qual nian m'hebe planteyau a posibilidat de calcar l'etimo latino (como sí que creigo que fa o catalán), pero agora veigo que tampoco sería impensable que un parlador d'aragonés pueda ser familiarizau con a forma ápex (que por as caracteristicas foneticas de la lengua, pronunciaría /'apes/ -y no pas /'apeks/-). Por tot ixo, agora pienso en ápex como a candidata principal pa nombrar iste concepto. --Lascorz ~ ('kjez'res? [Descusión]) 14:44 7 chul 2018 (UTC)