Corvata
A corvata (d'o francés cravate a traviés d'o italiano cravatta, literalment "crovate") ye una pieza de ropa que se coloca nugata a o cuello, de traza que colgue a tela, ta decorar o peito y o cuello. O suyo orichen, seguntes pareixe, se troba en os panyuelos de cuello d'os crovates (d'a on que pareixe que deriva o nombre que la designa). Tamién se conoix como truqueta u tringola por a semellanza con as que gosa levar o bestiar. Bi ha diversos tipo de nyudos ta ligar-la; o mas conoixto ye o dito nyudo Windsor u doble, que ye lo que se fa servir en os vestitos profesionals. A corvata ye asociata a la formalidat; por ixo se leva en determinatas profesions, en cerimonias y en uniformes de gala.