Cortz de Maella (1404)

De Biquipedia
Ir a la navegación Ir a la búsqueda
Cortz de Maella
1404
Maella3.jpg
Maella
Información cheneral
Puesto Ilesia de Sant Esteban
Ciudat Siñal d'Aragón.svg Maella
Monarca Martín I d'Aragón
Principals temas
- S'apreba o fogache de 1405
Cortz d'o Reino d'Aragón
Anteriors Posteriors
Zaragoza 1398 Zaragoza 1412

As Cortz de Maella de 1404 estioron unas Cortz d'o Reino d'Aragón convocadas por o rei Martín I d'Aragón o día 30 de mayo d'ixe anyo dende a ciudat de Valencia pa celebrar-se o 26 de chunio en a localidat de Maella:

En el nombre de aquel por el qual todas las cosas son prosperadas sía a todos manifiesto que en el anyo de la natividad de nuestro senyor Jhesuchristo mil quatrozientos et quatro, dia jueves, a XXX del mes de mayo, el muy excellent princep, alto e poderoso senyor el senyor don Martín, por la gracia de Dios rey d' Aragon [...] seyendo el dito senyor personalment constituido en la ciudat de Valencia por algunas justas razones, publica utilidat del regno d'Aragon concernientes, mando clamar, convocar e ajustar cortes generales a los del dita regno d'Aragon a la villa de Maella, al XXVI día del mes de junio [...]
Actas d'as Cortz de Maella de 1404

Retardando-se dimpués a o 15 de chulio:

Don Martín por la gracia de Dios etc. [...] non podemos seer en la villa de Maella del regno d'Aragon el XXVI día del present mes de junio, el qual havemos assignado en la dita villa a celebrar e tener cortes generales [...] E por enfermedat de su persona e otras algunas justas razones el dito senyor non pueda seyer el dito present dia a la celebracion de las ditas cortes, por esto prorroga aquellas el XV día del mes de julio primer vinent.
Actas d'as Cortz de Maella de 1404

y posteriorment a os días 22 de chulio, 25 de chulio y 26 de chulio, día en que s'inaugurarían en a ilesia de Sant Esteban con a lectura d'a lista d'asistents y o discurso d'o rei. Rematoron o día 2 d'agosto d'ixe anyo, estando unas Cortz volanderas.

Asistents[editar | modificar o codigo]

Yeran presents por o brazo eclesiastico l'arcebispe de Zaragoza, García Ferrández d'Heredia, o castellán de Amposta, l'abat de Mont Aragón, l'abat de Rueda, o prior de Santa Cristina, o procurador d'o prior d'a ilesia de Santa Maria la Mayor de Zaragoza, o calonche d'a Seu de Zaragoza, o procurador d'o comendador de Mont Albán y o procurador d'o comendador d'Alcanyiz. Amás d'os brazos representants de nobles, caballers y universidatz d'o Reino d'Aragón.

Qüestions tractadas[editar | modificar o codigo]

En istas Cortz se aprebará o día 1 d'agosto o fogache de 1405. Excepcionalment, no se mantenió l'acusación de contumacia a os no presents, ya que o recrudeiximiento d'as luchas de bandos feudals obstaculizaba os desplazamientos de beluns d'os convocaus.

D'atra man se tractoron atros afers urchents pa o reino como a revisión d'as imposicions fiscals que i heba, a busqueda d'una solución a la sobrecarga de censals d'o Cheneral d'o reino y a las banderías senyorials y urbanas que menazaban l'orden y a paz social. Tamién se modificó a forma en que se preneban os alcuerdos adintro de cada brazo, que ya no amenistraría d'a unanimidat.

Vinclos externos[editar | modificar o codigo]


Predecesor:
Cortz de Zaragoza (1398)
Cortz d'o Reino d'Aragón
Cortz de Maella (1404)
Succesor:
Cortz de Zaragoza (1412)