Constantín III (usurpador)
| Constantín III | |
|---|---|
| Co-emperador de l'Imperio Romano | |
 Moneda de Constantín III | |
| 407-411 | |
| Predecesor | Gracián |
| Succesor | Honorio |
| Nombre real | Flavius Claudius Constantinus |
| Muerte | 411 |
| Descendencia | Constant II, Chulián |
Constantín III estió un cheneral romano que en l'anyo 407 se nombró emperador de l'Imperio Romano d'Occident en Britania y plegó a controlar gran part de Galia. Fue reconoixiu como co-emperador en l'anyo 409 por Honorio chunto con o suyo fillo Constant II. Abdicó en l'anyo 411 y fue capturau y executau.
Os soldaus de Britania proclamoron emperador a Constantín. Dimpués lo suyo exercito prenió lo control de gran part de Galia establindo la suya capital en Arlet. Pretendió incorporar a lo suyo dominio Hispania pa completar o control d'a prefectura de las Galias y ser reconoixiu como "Augusto" por Honorio[1] en tot este gran territorio.
En Hispania topetó con a resistencia de Didimo y Verinián, terratenients de Lusitania que yeran parients d'Honorio y plegoron a organizar exercitos propios. Constantín III ninvió ta Hispania a lo suyo fillo Constant II, nombrau ya "César", acompanyau por o cheneral Cheroncio y personal civil. Didimo y Verinián fuoron redotaus y Constant II establió la suya cort en Caesaraugusta.[1]
L'exercito de Constantín III fustigaba a los invasors sueus, vandalos y alanos que bi heba en Aquitania empentando-los enta lo sud. En a santmigalada de l'anyo 409 estos pueblos trescruzoron os Pireneus y dentroron en Hispania.[1]
| Predecesor: Gracián |
Emperador de l'Imperio Romano d'Occident 407-411 |
Succesor: Honorio |
Referencias
[editar | modificar o codigo]- ↑ 1,0 1,1 1,2 María Victoria Escribano Paño: Los Godos en Aragón Cai100, 2000, pp20-27.
| Control d'autoridaz |
|
|---|
Datos: Q209793
Multimedia: Constantinus III / Q209793