Citroën DS

Pa veyer os peixes cartilachinosos que popularment se diz «tiburons», se veiga Selachimorpha.

Citroën DS
Citroën DS de primera cheneración (1955-1968), conoixiu como DS 19, con faros redondos.
Datos chenerals
Interpresa matriz	Citroën
Fabricant	Citroën
País	Francia
Fabricas	Francia, Portugal, Reino Uniu, Yugoslavia, Sudafrica y Australia
Periodo	1955-1975
Confeguración
Tipo	Turismo
Segmento	Segmento E
Carrocerías	Sedán de 4 puertas, familiar de 5
Confeguración	Motor debantero / tracción debantera
Grandaria
Largaria	4840 mm^[1]
Amplaria	1470 mm
Altaria	1464 mm
Distancia entre eixes	3124 mm
Vía debantera	1500 mm
Vía rabera	1300 mm
Peso	1270 Kg
Motor
Cilindrada	1911 cc, 1985 cc, 2175 cc y 2347 cc
Motor	cuatro cilindros en linia
Mecanica
Transmisión	manual, de 4 marchas^[1]
Suspensión	Hidroneumatica, independient, por 4 esferas d'olio y nitrocheno^[1]
Atros modelos
Relacionato	Citroën SM
Parellanos	Renault Frégate
Predecesor	Citroën Traction Avant^[2]
Succesor	Citroën GS, Citroën CX

O Citroën DS (pensau pa que en francés se pronunciás déesse [de'ɜz], ixo ye, «diosa»^[2]), anque en Espanya se lo conoixeba popularment con a embotada de Citroën Tiburón por a forma que teneba,^[3] ye un auto de turismo d'o segmento E que o fabricant francés Citroën fizo dende 1955 dica 1975, con motor de gasolina de cuatro cilindros en linia y posición lonchitudinal, ^[1] tracción debantera y transmisión manual de cuatro velocidaz.^[1]

O vehíclo lo disenyó Flaminio Bertoni y se fizo famoso a escape tanto por o suyo disenyo vanguardista como por a incorporación de tecnolochías innovaderas como a suspensión hidroneumatica, a dirección asistida^[1] y frens de disco en as cuatro ruedas (cosa poco común a par d'alavez), y os discos de l'eixe debantero que yeran en a salida d'o diferencial^[1] y no pas en as ruedas como ye habitual. Posteriorment, en 1968, Robert Opron retocó lo disenyo de Bertoni y i anyadió os caracteristicos faros direccionals encastaus en a carrocería d'a segunda cheneración.

En os 20 anyos de producción, o «Tiburón» vendió arredol d'1,5 millons d'unidaz. O Citroën DS quedaría en a tercera posición en o concurso "Automóbil d'o Sieglo" (Car of The Century) d'os autos más influyents d'o sieglo XX. Tamién estaría reconoixiu como l'auto mas bello de toz os tiempos por a revista «Classic & Sports Car».^[4]

O president d'a Republica Francesa Charles De Gaulle sufrió un atentau entre que viachaba en un d'istos autos, o 22 d'agosto de 1962, cerca de París, cuan un comando de l'autodenominada Organisation Armée Secrète (OAS) ubrió fuego 187 veces contra o vehíclo ^[5] d'entre as cuals lo menos 14 balas impactoron contra la carrocería. A primer consecuencia fue que a rafaga reventó una d'as ruedas d'o Citroën DS, pero gracias a o sistema de suspensión hidroneumatica l'auto pudo continar en circulación con as tres que le'n quedaba y o president y su muller en saldría ilesos, de l'atentau.^[5]