Chelera Fox

De Biquipedia
Ir a la navegación Ir a la búsqueda
Chelera fox

A chelera Fox (en anglés Fox Glacier, en maorí Te Moeka o Tuawe) ye una chelera de 13 km de largaria situada en o Parque Nacional de Westland Tai Poutini en a costa ueste d'a Isla d'o Sud de Nueva Zelanda.[1] Fue nombrau en 1872 dimpués d'una vesita d'o primer menistro de Nueva Zelanda Sir William Fox.[2] Dende os alcuerdos sinyaus con os Ngai Tahu en l'anyo 1998, o nombre oficial d'a chelera ye bilingüe, decindo-se Fox Glacier / Te Moeka o Tuawe.[3]

Cheografía[editar | editar código]

Alimentada por quatre cheleras alpinas, a chelera Fox baixa 2.600 m en o suyo viache de 13 km de largaria dende os Alpes d'o Sud dica a costa, estando una d'as pocas cheleras que rematan en una selva pluvial a nomás 300 m sobre o libel d'a mar. Encara que en retacule mientres os zaguers 100 anyos, avanzó entre 1985 y 2009. En 2006 l'avance meyano yera d'alto u baixo un metro por semana.[4] En chinero de 2009, a cara terminal d'a chelera encara continaba avanzando y teneba paretz verticals u avances que s'espaldaban de contino.[5] Dende alavez ha teniu un important retacule,[6] estando asinas actualment en a parti mas baixa d'a chelera a linia de vechetación que en 2009 se trobaba muit mas alto.

D'a chelera naixe o río Fox. Mientres a zaguera edat de chelo, o suyo chelo plegaba dica l'actual linia de costa y a chelera deixo muitas morrenas mientres avanzaba a retaculas. O laco Matheson se formó como un kettle en una d'istas morrenas.[1][7]

Referencias[editar | editar código]

  1. 1,0 1,1 (en) Fox Glacier area (from the DOC website. Accessed 2008-05-17.)
  2. (en) "Mr Fox at the Glaciers". Otago Witness (1062): p. 8. 6 April 1872. http://paperspast.natlib.govt.nz/cgi-bin/paperspast?a=d&d=OW18720406.2.24. 
  3. (en) "Ngai Tahu Claims Settlement Act 1998". http://www.legislation.govt.nz/act/public/1998/0097/10.0/DLM431335.html. Retrieved 28 March 2016. 
  4. (en) "Glacier visitors ignore 'extreme risks'". The New Zealand Herald. NZPA. 12 January 2006. Archived from the original on 26 de chinero de 2010. http://www.webcitation.org/5n5FmXYOH. Retrieved 30 de setiembre de 2011. 
  5. (en) Otago Daily Times, NZPA (9 de chinero de 2009). "Brothers crushed by ice named, glacier search postponed". The New Zealand Herald. http://www.nzherald.co.nz/nz/news/article.cfm?c_id=1&objectid=10551061. 
  6. (en) "Fox and Franz Josef Glaciers". Fox Glacier Guiding. http://www.foxguides.co.nz/our-location/fox-and-franz-josef-glaciers. Retrieved 10 August 2014. 
  7. (en) Beautiful New Zealand, Stamps - Historical Issues, 1984 - 1980, New Zealand Post. Accessed 2008-05-17.