Cazuelo
Un cazuelo recio d'archila (en l'Alto Aragón soleban estar de paretz más finas).
Un cazuelo ye un recipient pa liquidos d'a familia d'as charras, de mida mediana, d'entre 1,5 y 4 litros de cabida, que ye más alto que no amplo, con una mica de pancheta, y que tiene una ansa ta pillar-lo y transportar-lo. Una d'as caracteristicas morfolochicas más definideras d'o cazuelo ye que no tiene a punta de pichera que fan belatras charras, y por contra la suya boca ye redonda.
Os cazuelos s'emplegaban ta transportar y verter liquidos (muit especialment l'augua) en procesos relacionatos as más vegadas con a elaboración d'alimentos (p. ex. a masada d'o pan en artesas, queso, etc.), a on que yera preciso que l'augua no cayese de tot preta en un churro (razón ta no fer pichera) sino que s'espardise bien luego.