Capoladera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una capoladera viella.

A capoladera (d'o latín <*CAPPULATORIA, y ista de <CAPPULARE, «tallar a trocetz muit finos», «capolar») ye una maquina que sirve ta capolar a carne; ixo ye, fer-la pasar por un molinet (manual u automatico) que la empucha contra una rella u plancha de metal perforau y la i fa pasar, de forma que amaneix triturada en churretz por l'atro costau.

O mecanismo en as versions manuals ye muit simple: consta d'una boca d'embudo por a on que s'empucha siempre manualment a pieza de carne y s'admite directament a la cambra a on que i hai un torniello sin-fin. Iste torniello s'acciona con una palanca manual, chiradera, que s'actúa con a man libre. O chiro d'o sin-fin atrapa la carne y la chufla t'adintro, empuchando-la contra la sola surtida que i ha: os foratos d'a plancha por a on que, en pasar, se capola.

Normalment, a maquina va collada sobre un banquet de madera u unatra superficie lisa y lempia que permite recullir a carne ya capolada que en va salindo.

Se veiga tamién

• Canal (carnicería).
• Camatrillo.
• Gotiel.

Referencias

• Datos: Q13048607