Cantar d'a Campana de Uesca

De Biquipedia
Ir a la navegación Ir a la búsqueda

O Cantar d'a Campana de Uesca ye un cantar de chesta d'o Reino d'Aragón reconstruito a partir d'a prosificación que se'n fa en a Cronica de Sant Chuan d'a Penya. O poema epico reconta que escabezoron a los nobles aragoneses declaratos en rebeldía contra lo rei Remiro II d'Aragón que reculle la leyenda d'a Campana de Uesca.

Fue feita per un autor anonimo, clerigo d'a redolada de Uesca u la zona pirenenca seguntes Ubieto, que tornareba a fer sentir tradicions orals feitas a partir d'os feitos historicos escayeixitos a lo rei Remiro lo monche entre l'agüerro de 1135 y o verano de 1136 y datareba de principios d'o sieglo XIII. Ubieto Arteta rescató en o suyo articlo de 1951 diferents versos d'ista antiga canta de chesta, a la que Manuel Alvar n'adhibirá posteriorment beluns més. En zaguer, en 1981, Ubieto rematará lo texto con una versión d'un texto arabe.

Manuel Alvar considera que la suya primera redacción sería de mitat d'o sieglo XII, amanata a los feitos, y per tanto, de gran valor historico. Preba d'ixo sería la perda d'a zaguera vocal. Un sieglo dimpués se desembolicará como poema oral "noticiero" con valor de cronica historica, per o que estió mereixedor de fer parti d'os materials que fació servir la Cronica pitanense.

Bibliografía[editar | editar código]

Se veiga tamién[editar | editar código]