Caixero

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Caixera d'un supermercau

O caixero (u caixera si ye muller) en un establimiento comercial ye una persona responsable de sumar a cantidat debida por una crompa, cargar a o consumidor ixa cantidat y dimpués, recullir o pago por as mercancías u servicios proporcionaus.

Atras funcions que reyalizan os caixers son as d'entregar cupons comercials u escambiar os que reciben por regalos u descuentos, remeter mercancía en as estanterías y etiquetar-las, mas que mas, en os momentos de menor treballo, asegurar-se d'os pres de qualques mercancías en rebaixa u promoción y fer o recuento de caixa en rematar o suyo turno.

D'una forma u atra, os caixers han existiu mientres mils d'anyos. En l'actualidat, o termin caixera sirve pa designar quasi exclusivament a las emplegadas d'establimientos d'autoservicio, más que más, d'alimentación (supermercaus y hipermercaus). En atra mena de comercios, son por lo cheneral, os propios dependients os que fan ista función.

Os cajeros corren o risque de lesions repetidas de tensión debiu a os movimientos constantement repetius que amenistan pa fer o treballo, tal como información que fican sobre un teclau numerico u pasar o codigo de barras d'os productos sobre o escáner.

Un significau menos actual d'o termin se refería a o emplegau d'un negocio responsable de recibir y desembolsar os diners. En un negocio diferent a la venda a o por menor, ista yera una posición de responsabilidat significativa. Con una proporción siempre en aumento de transaccions reyalizadas emplegando substitutivos d'os diners en efectivo (tals como cheques, tarchetas de credito, tarchetas de debito, etc.), a cantidat d'efectivo manullada por tals emplegaus ye cada vegada menor.

Solucions alternativas a o caixero

Caixa d'autoservicio

As cadenas d'establimientos minoristas son desembolicando metodolochías pa reducir o treballo de caixera, una actividat repetitiva y cansa que da poca valura adhibida a o negocio. En bells establimientos d'Alcampo, por eixemplo, s'ha ficau a crompa sin caixera. Se tracta d'a instalación de caixas d'autoservicio en as que o consumidor puet escanear os suyos productos, embolicar-los y pagar-los tanto a traviés de tarcheta como en efectivo.

Atras cadenas -como Wal-Mart- son empentando o desembolique d'as etiquetas de radiofrecuencia (RFID) que se ficarán en os envases d'os productos y quala información se leyerá pasando o carro baixo una antena y sin que s'ameniste a intervención de garra persona.