Biomasa (ecolochía)

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Biomasa ye en ecolochía a cantidat en peso de materia organica viva (animals, plantas, fongos, microorganismos) u muerta (necromasa) de qualsiquier livel trofico u qualsiquier ecosistema. Tamién puet referir-se a la masa d'a población d'una especie (biomasa d'a especie), o a la de totas as poblacions de totas as especies (biomasa d'a comunidat).

A biomasa se mesura en unidatz de masa como o kilogramo u o gramo, pero ye freqüent expresar-la en unidatz d'enerchía porque en a materia organica bi ha grans cantidatz d'enerchía quimica. Un gramo de materia organica puet equivaler a 4 u 5 kilocalorías. Ye en forma de biomasa como se transfiere a enerchía dende uns nivels a atros d'a cadena trofica.

Quan se calcula se fa referencia a la cantidat por unidat d'aria u volumen, a sobén s'expresa en g C/cm², Kg C/m², T C/ha, on a C indica a masa en carbonio organico por unidat de superficie u volumen.

Bibliografía

• Diodora Calvo Aldea, Maria Teresa Molina Álvarez, Joaquín Salvachúa Rodríguez "Ciencias de la tierra y medioambientales". 2º Bachilleraro. 2010 McGraw-Hill.