Benoît Mandelbrot

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Benoît Mandelbrot
Benoît Mandelbrot mientres o suyo nombramiento como miembro d'a Lechión d'Honor
Información personal
Calendata de naixencia	20 de noviembre de 1924
Puesto de naixencia	Varsovia (Polonia)
Ocupación	Matematico

Benoît B. Mandelbrot (naixito en 1924) ye un matematico conoixito por os suyos treballos sobre os fractals. Ye lo principal responsable d'o auche d'iste dominio d'as matematicas dende l'inicio d'os anyos ueitanta, y de l'interés creixient d'o publico. En efecto supo fer servir a ferramienta que yera popularizando-se en ista epoca - l'ordinador - ta trazar os mas conoixitos eixemplos de cheometría fractal: o conchunto de Mandelbrot por supuesto, asinas como os conchuntos de Julia descubiertos por Gaston Julia qui inventó as matematicas d'os fractals, desarrollatos luego por Mandelbrot.

Biografía

Naixió o 20 de noviembre de 1924 de Varsovia, Polonia dentro d'una familia chodiga culta d'orichen lituano. Fue introduciu a lo mundo d'as matematicas dende chicot gracias a os suyos dos tíos. Cuan a suya familia emigra ta Francia en 1936 su tío Szolem Mandelbrot, profesor de matematicas en o Collège de France y succesor de Hadamardost en iste puesto, prene responsabilidat d'a suya educación. Dimpués de realizar os suyos estudio en l'Universidat de Leon d'el Roine ingresó a l'"École Polytechnique", a temprana edat, en 1944 baixo a dirección de Paul Lévy qui tamién lo influyo fuertement. Se doctoró en matematicas por a Universidat de París en l'anyo 1952.

Estió profesor d'economía en a Universidat de Harvard, incheniería en Yale, fesiolochía en o Colechio Albert Einstein de Medicina, y matematicas en París y Ginebra. Dende 1958 treballó en IBM en o Centro de investigacions Thomas B. Watson en Nueva York.

Logros cientificos

Benoît Mandelbrot estió uno d'os primeros cientificos en fer servir os ordenadors t'estudiar la fractalidat como en iste eixemplo de conchunto de Mandelbrot.

Principal creyador d'a cheometría fractal, en referir-se a l'impacto d'ista disciplina en a consecución e interpretación d'os obchectos que se troban en a naturaleza. En 1982 publicó o suyo libro Fractal Geometry of Nature en o cual que explicaba as suyas investigacions a iste campo. A cheometría fractal se destinche por una aproximación mas abstracta a la dimensión d'a que caracteriza a la cheometría convencional.

Honors y premios

En 1985 recibió o premio "Barnard Medal for Meritorious Service to Science". En os anyos siguients recibió la "Franklin Medal". En 1987 fue galardonato con o premio "Alexander von Humboldt"; tamién recibió la "Medalla Steindal" en 1988 y muitos atros premios, incluindo la "Medalla Nevada" en 1991.