Banyo (cambra)

De Biquipedia
Ir a la navegación Ir a la búsqueda
Un banyo

O banyo (d'o latín < BANEUM)[1] ye una cambra d'a casa destinada a la hichiene personal d'os suyos habitants. Lo suyo orichen pareixe remontar-se a las ablucions relichiosas. En primerías yeran banyos publicos, que pasoron a las viviendas de luxo y a partir d'aquí a la mayoría de casas humanas.

Lo banyo gosa tener un escusau u una latrina (un forau que conecta con la fuesa septica u lo socanillau) pa evacuar los excrementos, los orins y atros repuis humans; una banyera u ducha pa lavar-se lo cuerpo y un lavabo pa lavar-se las mans. Beluns son complementaus por bidetz y almarietz.

Por un regular lo banyo ye una cambra aislada d'a resta, con ventilación. I predomina la decoración basada en recholas y materials impermeables, si bien lo disenyo pende muito d'a cultura local. Se calcula que la metat d'a población mundial no tien banyo en la suya casa, con os problemas hichienicos que isto puet trayer.

Referencias[editar | modificar o codigo]

  1. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.72

Se veiga tamién[editar | modificar o codigo]

Vinclos externos[editar | modificar o codigo]