Banu Hud

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os Banu Hud u Hudís (en arabe بنو هود) estioron una dinastia d'emirs d'orichen yemenín que gubernoron en a taifa de Saraqusta, taifa de Leida y atros puestos entre os anyos 1039 y 1131.

O fundador estió Abu Ayyub Sulaiman Ibn Muhammad Ibn Hud al-Chudhami al-Mustain, gubernador de Leida, independient de facto (y de tot en 1037) que prenió Saraqusta y se proclamó emir en octubre de 1039. Afirmaba estar descendient d'o profeta d'a Biblia Hud (هود en arabe).^[1]

Morió en 1046 y lo succedioron os suyos fillos: Abu Chafar Ahmed I ben Sulaiman al-Muktadir en Saraqusta (tamién gubernó en Tortosa y Denya), Yusuf al-Muzafar en Leida (1046-1079), Muhammad al-Mondir ben Sulayman en Tudela, y Suleiman ben Sulayman en Calatayú. Istas tres brancas tornoron ta la prencipal por l'acción militar. Abu Chafar morió en 1081 y surtioron dos brancas prencipiatas por os suyos fillos:

En Leida, Tortosa y Denya, Al Mundir Imad al-Dawla (1081-1090) y o suyo fillo Sulaiman Sayyid al-Dawla (1090-1102)

En Saraqusta Abu Amir Yusuf ben Ahmed al-Mutamin (1081-1085), o suyo fillo Abu Chafar Ahmed II Ibn Yusuf al-Mustain (1085-1110) y o suyo fillo Abu Marwan Abd al-Malik ben Ahmed Imad al-Dawla (1110-1129), qui gubernó primero Saraqusta y dimpués Rueda de Xalón. O suyo fillo Abu Chafar Ahmed III ben Abd al-Malik Ibn Hud al-Mustansir Saif ed-Dawla gubernó bels anyos en Rueda de Xalón y cedió lo territorio a Alifonso VII de Castiella en 1139 en pagas por refirme pa que la suya autoridat fues reconoixida en Al Andalus^[2]. En 1145 gubernaba Cordoba, Granada, Chaén y Murcia y en 1146 Valencia, cuan morió en combate.

A familia Banu Hud se rebeló contra os almuades en a Val de Ricot en l'anyo 1228, entrando Abu Abdellah Ibn Yusuf Ibn Hud al-Yudhami en a ciudat de Murcia o 4 d'agosto, forachitando a lo gobernador almuade y proclamando-se emir, gobernando dica 1238^[2] en a taifa de Murcia, que existió dica l'anyo 1243.

Referencias

↑ (fr) Janine Sourdel, Dominique Sourdel: Dictionnaire historique de l'islam, p.355.
↑ ^2,0 ^2,1 (es) María Jesús Viguera Molins: Aragón musulmán. La presencia del Islam en el valle del Ebro. Mira Editores, 1998. pp 244-246.

Datos: Q33058

[1] (fr) Janine Sourdel, Dominique Sourdel: Dictionnaire historique de l'islam, p.355.

[VIGUERARAGONMUSULMAN-2] 2,0 ^2,1 (es) María Jesús Viguera Molins: Aragón musulmán. La presencia del Islam en el valle del Ebro. Mira Editores, 1998. pp 244-246.

[1]

[2]