Baixo lusacián

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Baixo lusacián Niederlausitzisch
Variedaz de l'alemán central
Localización cheografica
Estau	{{{estau}}}
País	{{{país}}}
Rechión	{{{rechión}}}
Parlau en	Alemanya
Lugars principals	Brandemburgo Saxonia
Estatus
Atras denominacions
Charradors
Oficial en
Reconoixiu en	{{{reconoixiu}}}
Regulau por
Vitalidat	Meya
Escritors principals
Rasgos dialectals
Clasificación lingüistica
Indoeuropea Chermanica Chermanica occidental Altochermanica Central Central oriental Baixo lusacián
Codigos
ISO 639-1
ISO 639-2	ger
ISO 639-3
SIL

O baixo lusacián (en alemán Niederlausitzisch) ye un dialecto de l'alto alemán central oriental parlau en o norte de Saxonia y o sud de Brandemburgo en as rechions de Baixa Lusacia (Cottbus) y a parti norte de l'Alta Lusacia (Hoyerswerda). Ye prou diferenciau d'os dialectos baixo alemans charraus arredol y en o norte de Berlin asinas como d'o grupo de dialectos saxons charraus en Saxonia y a luenga eslava d'os sorabos.

As dos rechions tenioron muitas influyencias de diferents dialectos, mas que mas dimpués d'a Segunda Guerra Mundial. Refuchiaus plegaus de Prusia Oriental y Silesia s'estableixioron en istas zonas dimpués d'estar forachitaus d'as suyas rechions d'orichen. Dimpués d'a fundación d'a Republica Democratica Alemana y d'un gran desenvolique economico prevocau por a puyada d'as extraccions de lignito, chents de Mecklemburgo, Turinchia, Saxonia y Saxonia-Anhalt se tresladoron enta a rechión de Lusacia ta aproveitar-sen d'o desenvolique. Debiu a ista influyencia d'atros dialectos alemans, o baixo lusacián nunca no ha estau muit diferent de l'alemán estándard.

Caracteristicas

O baixo lusacián no tien guaires parolas propias. Son tipicos os sincopes y apocopes que tamién se fan servir en os dialectos vecins. Cal destacar en l'articulación que a ⟨r⟩ gutural, que en alemán estándard ye ⟨er⟩ [ɐ] en baixo lusacián ye ⟨a⟩ [a]:

Aragonés	Anglés	Alemán estándard		Baixo lusacián
		escritura	IPA	escritura	IPA
augua	water	Wasser	/vasɐ/	Wassa	/vasa/
martiello	hammer	Hammer	/hamɐ/	Hamma	/hama/
chirmana	sister	Schwester	/ʃvɛstɐ/	Schwesta(r)	/ʃvɛsta/

En prencipio de parola a ⟨r⟩ siempre se pronuncia, encara que cuasi no se siente cuan ye en mel meyo d'una parola. O mesmo efecto puet veyer-se en a letra ⟨e⟩ [ɛ] que tamién se fa mas feble en as rematanzas, o cambio de ⟨au⟩ [aʊ] por ⟨o(h)⟩/⟨oo⟩ [oː], y l'alargamiento de ⟨ei⟩/⟨ai⟩ [aɪ] a ⟨ee⟩ [eː]:

Anglés	Alemán estándard		Baixo lusacián
	escritura	AFI	escritura	AFI
rastrillar	harken	/ˈhaʁkɛn/	haakn	/ˈhaːkn̩/
treballar	arbeiten	/ˈaʁbaɪtɛn/	abeitn	/ˈabeːtn̩/
mercar	kaufen	/ˈkʰaʊfɛn/	kohfn	/ˈkʰoːfn̩/
tamién	auch	/aʊx/	ooch	/oːx/
en	auf	/aʊf/	off/	/oːf/
un	ein (m.) eine (f.) eines (n.)	/aɪn/ /aɪnə/ /aɪnɛs/	een eene eens	/eːn/ /eːnə/ /eːns/
chicot	Kleine	/ˈklaɪnə/	Kleene	/ˈkleːnə/

A ⟨i⟩ [ɪ] curta se pronuncia alto u baixo como a ⟨ü⟩ ([y] u [ʏ]) de l'alemán estándard:

Aragonés	Alemán estándard		Baixo lusacián
	escritura	AFI	escritura	AFI
mesa	Tisch	/tʰɪʃ/	Tüsch	/tʰʏʃ/
ilesia	Kirche	/ˈkʰɪʁçə/	Kürche	/ˈkʰʏɐ̯çə/ (in smaller villages the word Kerke is used.)
zresa	Kirsche	/ˈkʰɪʁʃə/	Kürsche	/ˈkʰʏɐ̯ʃə/

Existe amás una forma diferent ta o preterito perfecto:

Aragonés	Alemán estándard		Baixo lusacián
	escritura	IPA	escritura	IPA
fue desenchegau	es wurde abgeschaltet	/ɛs ˈvʊʁdə ˈabɡɛʃaltɛt/	es wurde abgeschalten	/ɛs vuadə ˈabɡɛʃaltɛn/

Vinclos externos

• (de) Astrid Stedje (1987). Deutsche Sprache gestern und heute. Universitätstaschenbuchverlag
• (de) Columnas d'un periodico rechional escrito en baixo lusacián

• Datos: Q1363441