Aurora Lacasa
| Aurora Lacasa | |
|---|---|
| Información personal | |
| Naixita o: | 24 de marzo de 1947 |
| Naixita de: |  París
|
| Ocupación: | Cantaire |
| Casata con: | Thomas Lück (1970- ?) Frank Schöbel |
| Fillos: | Dominique Lacasa y Odette. |
Aurora Lacasa (naixita o 24 de marzo de 1947 de París) ye una cantaire francesa d'orichen aragonés que tenió un gran exito en l'antiga Republica Democratica d'Alemanya.
Naixita de París, filla d'una parella de periodistas espanyols, fue a la escuela en Budapest (Hongría) entre 1951 y 1957, vivindo dende 1957 en a RDA. Quan remató a escuela segundaria obtenió lo tetulo de Formación Profesional d'incheniera mecanica, treballando dimpués como interprete de castellano y francés y formando-se en zaguerías como cantaire en o "Zentralen Studio für Unterhaltungskunst" (en aragonés "Estudio Central ta l'Arte y a Entretenedera") d'a RDA. Fació a-saber-las actuacions en a RDA, a URSS, Cuba, Polonia, Bulgaria, Francia, Portugal y diferents países arabes. En ha suya carrera musical ha publicato 3 LPs y quantos singles, dende l'anyo 1990 a lo menos 3 CDs con alto u baixo 3 millons de copias venditas.
Estió casata con o tamién cantaire d'a RDA Thomas Lück. Dimpués, dende meyatos d'a decada de 1970 y mientres 20 anyos, estió casata con o cantaire alemán Frank Schöbel con qui tenió dos fillas Odette y a tamién cantaire Dominique Lacasa.