Aurea Lucinda Javierre

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Aurea Lucinda Javierre
Información personal
Naixida o: 24 d'agosto de 1898
Naixida de: Teruel (Aragón)
Muerta o: 1 de marzo de 1980
Muerta en: Madrit (Espanya)
Ocupación: Archivera y Historiadora.

Aurea Lucinda Javierre Mur (Teruel, 24 d'agosto de 1898Madrit, 1 de marzo de 1980) estió una archivera y historiadora aragonesa que destacó por o suyo treballo en a organización d'Archivos Historicos.

Trayectoria[editar | modificar o codigo]

Se graduó en Machisterio en Uesca y estudió a carrera de Filosofía y Letras en a Universidat de Zaragoza, an se licenció en l'anyo 1918[1]. En 1927, esfendió a suya tesi doctoral Matha de Armanyach, Duquesa de Gerona en a Universidat Central de Madrit, por a cual obtenió a calificación de sobrexient. En 1930, se convirtió en a primera muller aragonesa en aconseguir o grau de doctora[2].

En 1921, ingresó por oposición en o Cuerpo Facultativo de Archivers, Bibliotecarios y Arqueologos, cual nombramiento quedaría reflexau en a Reyal Orden de 21 de chulio de 1921. O suyo primer destín como que facultativa d'o Cuerpo de Archivers estió a Biblioteca Museu Víctor Balaguer de Vilanova i la Geltrú en a provincia de Barcelona, an estió dica 1922. D'astí, pasó a l'Archivo d'a Corona d'Aragón dica 1935. Continó en l'Archivo d'o Ministerio d'Obras Publicas entre chinero y abril de 1935 y, en l'Archivo Historico Nacional, dende abril de 1935 dica a suya chubilación, en agosto de 1968.

En iste zaguer centro, estió Chefa d'a Sezión d'Ordens Militars y directora, por ausencia d'o titular, en 1946. Impartió docencia entre cuantos anyos en os Cursos pa la formación tecnica de archivers y bibliotecarios organizaus por a Direzion Cheneral d'Archivos y en os cursos de Doctorau d'a Facultat de Filosofía y Letras de Madrit. A suya labor le levó a preocupar-se entre tota a suya vida profesional por os quefers relacionaus con a conservación y a restauración documental d'os archivos (bella mica d'o que no se preocupaban en a epoca os archivos espanyols).

Reconoixencias[editar | modificar o codigo]

En l'anyo 1941, se premió una d'as suyas obras historicas y biograficas, referent a María de Luna (reina consort de Martín I)[3]. A Reyal Academia d'a Historia a pensionó con becas referents a la Fundación Conde de Cartagena, asinas como l'Instituto Jerónimo de Zurita, d'o Consello Superior d'Investigacions Cientificas, pa l'aduya en as suyas investigacions sobre templarios, sanchuanistas, calatravos y santiaguistas.

Obras[editar | modificar o codigo]

  • 1930 – Matha de Armanyach, duquesa de Gerona (1373-1378). Boletín d'a Reyal Academia d'a Historia (BRAH), Madrit
  • 1942 – María de Luna, reina de Aragón, Madrit, Consello Superior d'Investigacions Cientificas.
  • 1945 – Privilegios reales de la Orden de Montesa en la Edad Media. Catálogo de la serie existente en el Archivo Histórico Nacional. Madrit, Blass.
  • 1948 – Pruebas de ingreso en la Orden de San Juan de Jerusalén. Catálogo de las series de caballeros, religiosos y sirvientes de armas, existentes en el Archivo Histórico Nacional. Madrit, Diana Artes Gráficas.
  • 1949 – Guía de la sección de Órdenes Militares, Madrit, Diana Artes Gráficas.
  • 1949 – Guía de la Sección de Órdenes Militares, Madrit, Patronato Nacional de Archivos.
  • 1958 – Catálogo de los documentos referentes a los conventos de Santiago Calatrava y Alcántara que se conservan en el archivo secreto del Consejo de las Órdenes Militares, Madrit, Junta Técnica de Archivos, Bibliotecas y Museos.
  • 1976 – Los religiosos en la Orden de Santiago, Madrid, Servicio de Publicaciones del Ministerio de Educación y Ciencia.

Referencias[editar | modificar o codigo]

Vinclos externos[editar | modificar o codigo]