Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Si creye que aprecisa d'aduya, por favor consulte con un profesional d'a salut.
Aturada cardiorespiratoria.
L'aturada cardiaca[1][nota 1] ye cuan o corazón deixa de traquiar.[2] En aturar-se lo corazón, tamién s'atura la respiración immediatament dimpués, u dinantis (causa cheneralment respiratoria de l'ature cardiaco), per ixo se charra tamién d'aturada cardiorespiratoria[1][nota 2].
Ye una emerchencia medica que, sin una intervención medica immediata, prevocará la muerte cardiaca en cuestión de menutos. S'amenista reanimación cardiopulmonar (RCP) y posiblement desfibrilación dica que se pueda proporcionar un tractamiento adicional. L'aturada cardiaca da como resultau una perda rapida d'a conoixencia y la respiración puede estar anormal u estar absent.
Si bien l'aturada cardiaca puede estar causau per un ataque cardiaco u una insuficiencia cardiaca, istos no son lo mesmo, y en 15 a 25 % d'os casos, i hai una causa no cardiaca.[3] Cualques personas pueden experimentar dolor en o peito, dificultat pa alentar, ansias, frecuencia cardiaca elevada y una sensación de mareyo immediatament antis de sufrir una aturada cardíaca.
A causa mas común d'aturada cardiaca ye un problema cardiaco subchacent, como la malotía d'as arterias coronarias, que disminuye a cantidat de sangre oxichenada que irriga lo musclo cardiaco.
Datos: Q202837
Multimedia: Cardiac arrest / Q202837