Asociación de Amigos de Sobrarbe y Ribagorza

Adhibir enlaces
De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Asociación de Amigos de Sobrarbe y Ribagorza va estar una asociación cultural con seu en Graus (Ribagorza)[1], fundada en 1980[2] y activa en a decada siguient. A suya seu yera l'antigo edificio de a Cooperativa Agraria Gradense-Ribagorzana (1918-1939) en a dita villa, actual Casa de Cultura de l'Achuntamiento de Graus.[3]

Naixida como asociación de chóvens de as dos comarcas, os suyos obchectivos yeran a promoción y conoiximiento de a cultura local (de Sobrarbe y Ribagorza), a reivindicación de prochectos en beneficio d'iste territorio (fuertement despoblau y tradicionalment marchinau por as Administracions), y, indirectament, a transmisión d'un sentimiento identitario entre os habitants d'istas comarcas d'o cantón Nord-este d'a Comunidat Autonoma. L'asociación, muit activa en a redolada, va promover charradas y atras trobadas de divulgación cultural con vecins, actos culturals, pases de documentals, y puede considerar-se precursora de l'asociacionismo en ista parte de l'Alto Aragón.

L'acto suyo que mas ha transcendiu ye, posiblement, a re-edición mensual d'un periodico que ye historico pa tot l'Alto Aragón; El Ribagorzano, que van publicar ininterrumpidament entre marzo de 1981[2] y diciembre de 1985. O sub-títol d'El Ribagorzano en ista etapa yera Órgano de la Asociación de Amigos de Sobrarbe y Ribagorza[4]. Van estar miembros d'ista asociación, en a suya choventut, personalidaz agora conoixidas como o docent y escritor Severino Pallaruelo, o periodista y empresario Rafael Bardají (autor d'un libro sobre o centenario d'El Ribagorzano[5]), y l'ex-president d'a DChA Marcelino Iglesias Ricou.[6]

Referencias[editar | modificar o codigo]

  1. ↑ (es) Lista d'Asociacions Culturals con seu en Graus, consultada o 26 de setiembre de 2015.
  2. ↑ 2,0 2,1 (es) Voz El Ribagorzano en a Gran Enciclopedia Aragonesa online, connsultada o 26 de setiembre de 2015
  3. ↑ (es) Espacios publicos de l'Achuntamiento de Graus, consultau o 26 de setiembre de 2015.
  4. ↑ (es) El Ribagorzano en a edición d'Andalán de marzo de 1982; consultada o 26 de setiembre de 2015.
  5. ↑ (es) Noticia sobre a presentación d'o libro de Bardají en o Diario del AltoAragón, consultada o 26 de setiembre de 2015.
  6. ↑ (es) Marecelino Iglesias en o portal Biografías y Vidas, consultau o 26 de setiembre de 2015.
Obteniu de "https://an.wikipedia.org/w/index.php?title=Asociación_de_Amigos_de_Sobrarbe_y_Ribagorza&oldid=2079780"