Delicias (Zaragoza)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Delicias
Districto urbán de Zaragoza
Avenita de Madrit
Entidat  • País  • Ciudat	Districto urbán Aragón Zaragoza
Subdivisions	A Bombarda, A Bozada, Ciudat Chardín, Delicias, Monsalut y Parque Roma
Superficie  • Total	Pos. 12 de 15 3.28 km²
Población  • Total (2018)	Pos. 1 de 15 101.783 hab.
Codigo postal	50.010, 50.017
Nº districto	4
Fiestas	Setiembre

As Delicias ye un districto de Zaragoza (Aragón). Se divide en os barrios d'A Bombarda, A Bozada, Delicias, Monsalut y Parque Roma. Muga con os districtos de L'Almozara, Centro, Oliver-Val de Fierro y Universidat.

Ye o segundo districto mas poblato de Zaragoza y o districto con mayor densidat de población (33.647,93 habitants/km²), d'os cuals un 9,26% son immigrants.

Servicios

Mugant con iste districto, pero dentro de l'Almozara, se troba a gara de Zaragoza, inagurata en 2003 en o mesmo puesto a on yera l'antiga gara de Delicias (ista sí que yera adintro d'o districto Delicias). Ha recibito o premio Brunel, o mas prestichioso premio d'arquitectura ferroviaria.

Gara de Delicias y Parque d'o Castiello Palomar

Bi ha dos parques, o Parque d'o Castiello Palomar en Monsalut y o Parque d'as Delicias en os terrens que ocupaba d'antis mas o Hespital Psiquiatrico.

Un d'os grans centros comercials de Zaragoza, o Centro Comercial Augusta se troba situato en este districto, chunto a la gara, antiparti d'o Centro comercial que bi ha en a propia carrera de Delicias.

Historia

A historia d'o barrio de Delicias data de comencipios d'o sieglo XX, encara que no lo reconoixioron como barrio dica os anyos trenta.

O barrio naixe t'acubillar l'augmento de población, mas que mas fainera, en tiempos d'a industrialización. A plegata d'o ferrocarril, a instalación d'o gas y a electricidat propicioron a creyación de nuevas industrias y o cautivo de remolacha que creyoron treballo fendo creixer o barrio. A meyatos de sieglo estió un barrio on s'establiba chent provenient d'a provincia de Soria.

As primeras edificacions teneban un sinyalato caracter rural. Yeran viviendas d'una u dos altarias, con un espacio destinato a corral u huerto. O nuclio primitivo d'o barrio se situaba amán d'o palacio de l'Alchafaría. Ya en a decada d'os ueitanta se creyan en o barrio mas zonas verdas y d'espardimiento. En os primers anyos d'o sieglo XXI, parte d'a población se'n va ta atros barrios, muitos d'éls ta Miralbueno, y o vueito de población ye plenato por población inmigrant de muitos orichens, destacando Delicias entre atros barrios con as mesmas cercustancias por a población d'orichen subsaharián.

Mugas

Plan d'o districto

Seguntes os plans censals d'o Concello de Zaragoza as mugas d'o districto son:

• A o norte, con o districto de l'Almozara mugan a parti trasera d'o Centro Comercial Augusta (aintro d'o districto Delicias), a frontera d'a Estación Delicias (aintro d'o districto Almozara), a carrera Felisa Soteras, y l'Avenita de Madrit.
• A l'este, con os districtos d'o Casco Antigo y Centro mugan o Paseyo María Agustín y Avenita Anselmo Clavé.
• A o sud, con o districto Universidat mugan l'Avenita de Valencia, a carrera Sant Chuan Bosco y l'Avenita Gómez Laguna.
• A l'ueste, con o districto Oliver-Val de Fierro muga a Vía Hispanidat.

Fiestas

• Comencipios de setiembre

Referencias

• Datos: Q8560730
• Multimedia: Delicias, Zaragoza / Q8560730