Artosta

De Biquipedia
Ir a la navegación Ir a la búsqueda
Artosta
Fabrege 009.jpg
Teleferico d'Artosta
Situación cheografica
Situación Val d'Osal, Pireneus
Altaria maxima 2.100 mslm
Altaria minima 1.400 mslm
Pistas
Total km. 25 km
Pistas 18
Pista mas gran 3.500 m (Grand coq)
Verde.png Verdas 2
Azul.png Azuls 9
Rojo.png Royas 6
Negro.png Negras 1
Cadmiumyellow.jpg Travesía
Cross country skiing pictogram.svg Fundo
Snowboarding pictogram.svg Terrain parks 1
Esquí nueiturno
Remuntes
Pictogram T-Bar Lift.svg Telesquis 6
Pictogram Chair Lift.svg Telecadieras 3
Pictogram Cable Car.svg Telecabinas 1
Pictogram Rope Tow Cable Car Lift.svg Cintas 1
Nieu artificial
Canyons 3
Superficie 1,5 km²
Datos chenerals
Pachina oficial (fr) Pachina oficial
Correu-e artouste@altiservice.com
Telefono (+33) 05 59 05 34 00
Fax

Artosta (en francés Artouste) ye una estación d'esquí situata en os Pireneus biarneses, aintro la Val d'Osal, en a comuna de Laruntz, perteneixent a lo departamento d'os Pireneus Atlanticos.

Cheografía[editar | editar código]

A estación d'esquí se troba en a val d'Osal, sobre o entibo de Fabregas, y amán lo Laco d'Artosta, ibón que da nombre a la estación.

Historia[editar | editar código]

Comenzata a construyir en l'anyo 1966 por iniciativa d'o concello de Laruntz, a estación s'ubrió en rematar a obra en l'anyo 1969. Inicialment orientata como una chicota estación de proximidat ta los departamentos y rechions pirenencas, estando nomás en o departamento d'os Pireneus Atlanticos a cercana y veterana estación de Goreta, dende primerías d'os anyos 30, en a misma Val d'Osal, antimás d'a de La Pèira Sant Martin, en a Val de Varetons, mugant con Iparralde, més proxima ta la costa atlantica, y ubierta en 1962.

Visto que dende primerías a estación estaba deficitaria en quanto a ingresos, nueu anyos dimpués d'a suya ubertura se vendió a lo grupo empresarial EPSA (sieglas en francés d'Entidat Publica d'Estacions d'Altaria), una traza de Aramón francesa per aquellas anyadas, que sindembargo no'n pudo desembolicar una solucion per os problemas economicos.

Anyos més tardi, en 2006, una altra interpresa, asociada a lo desarrollo d'as instalacions hidroelectricas d'a zona como os lacos o ibons entibados cercanos d'Artosta y Fabregas, se fació cargo d'a estación d'esquí. Ista interpresa clamata Altiservice, ye parti d'o grupo Engie (anteriorment dito GDF Suez), citata electrica. A concesión d'a estación hibernal per Altiservice ye per un periodo de 18 anyos, dica 2024.

Problematicas[editar | editar código]

O futuro d'a instalción no'n puet veyer-se rai platera, debito a los problemas arrastratos. Principlament se tracta d'una estación con unas cotas d'altaria masiau baxas -entre 1.400 y 2.100 metros sobre o livel d'a mar- que muit habitualment no aseguran un livel d'innivación suficient per a actividat esportiva en buena parti d'a estación, feito antimás debiu a la desminución d'as precipitacions y la puyada d'as temperaturas meyas (fenomeno asociato a l'escalfamiento global), a manca de renovación d'as instalacions -poquers canyons per fer nieu artificial, y remonts antigos y poco modernizatos- y a chiqueta superficie esquiable en comparación con altras estacions cercanas, con poca posibilidat d'ampliación -tamién asociato a la situación geografica d'a instalación, d'insuficent altaria-, problemas totz limitants per l'actividat d'a estación.

Se veiga tamién[editar | editar código]

Vinclos externos[editar | editar código]