Aries (constelación)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aries
Información cheneral
Abreviadura:	Ari
Simbolo:
Chenitivo:	Arietis
Significato:	o mardán
Datos astronomicos
Ascensión recta:	3 h
Declinación:	20°
Vistero ta latitutz:	entre -60° y +90°
Millor visibilidat:	en aviento
Estrelas con m.a. < 3:	2
Estrela mas luminosa:	Hamal (α Ari)
- Magnitut aparent:	2.0
Plevia de meteoritos:	Arietidas de mayo Arietidas d'agüerro Arietidas Delta Arietidas Epsilon Arietidas diurnas Aries-Triangulidas
Constelacions mugants:	Perseu (Perseus) Trianglo (Triangulum) Piscis (Pisces) Ballena (Cetus) Tauro (Taurus)

Aries (en aragonés o mardán) ye una d'as constelacions d'o zodiaco, situada entre a constelación de Pisces a l'Ueste y a de Tauro a l'Este.

Caracteristicas

As estrelas d'Aries no son guaire luminosas, fueras de Hamal (α Arietis) y Sharatan (β Arietis).

Obchectos

Os pocos obchectos d'o cielo prefundo d'Aries tampoco no brilan guaire. Abracan as galaxias NGC 697 (a lo Norueste de β), NGC 772 (a lo Sudeste de β), NGC 972 (en l'anglo a lo Norte d'a constelación) y NGC 1156 (a lo Norueste de δ).

Mitolochía

Si s'incluyen as estrelas mas esmorteixidas, visteras a uello humano, o conchunto se retraye a la capeza d'un mardán.

En a mitolochía griega, s'identificaba con o mardán que portó a os fillos d'Atamán, Frixo y Hele, ta la Colquida, fuyindo asinas d'a suya madrastra Ino. Hele cayó en o mar que mas tardi levaría o suyo nombre, Mar d'Hele u Helesponto. Malas que i plegó en un puesto ya seguro, Frixo sacrificó lo mardán y en pinchó lo pellón en una carrasca d'a selva d'Ares, an se tornó d'oro, estando dimpués a razón d'o viache de Chasón y os argonautas. Pareix que as antigas civilizacions de Babilonia, Grecia, Persia y Echipto s'encertoron en dar a ista constelación o nombre d'un mardán.

L'aria d'o cielo que abraca la constelación d'Aries, con parti d'as de Pisces, as Crapetas y Andromeda, podrían estar l'orichen d'o mito d'o cinturón d'Hipolita, que ye parti d'os doce treballos d'Heracles.

Astrolochía

Representazión medieval d'Aries

En l'astrolochía occidental, o signo d'Aries (21 de marzo-19 d'abril) ye asociau con l'elemento d'o fuego; ye, pues, un d'os tres signos de fuego, chunto con Sachitario y León. En Aries tien o suyo domicilio Marte y a suya exaltación o Sol. Ye un d'os cuatre signos cardinals, chunto con Libra, Capricorno y Cancro. O suyo oposau ye Libra. D'entre as partis d'o cuerpo, Aries gubierna la capeza.

As cualidaz que os astrologos acostumbran a acumular-li son os d'un carácter emprendedor, empulsivo, optimista y apasionau, devez que autoritario, muito atreviu, inchenuo y egocentrico.

Aries en fuents aragonesas

En o "Libro d'o Trasoro" dicen:

El primer signo yes Aries, en do el sol entra catorze dias a la

E por aquesto conuiene esto que quando el sol [...] se leuanta e gita, segunt lo que Aries fa; e en asi lieua Aries la ...

Razón como: si el sol yes entrado agora en la cabeça de Aries

de la primera hora; mas quando es corrido al medio logar de Aries, la ora es la..

et sabet que al primer dia del sieglo entra el sol en el primer signo, yes a saber, Aries, e aquesto fue a xiiij. dias andados del mes de março, e asi faze el encara

Referencias

• Datos: Q10584
• Multimedia: Aries (constellation) / Q10584