Araneae

De Biquipedia
Ir a la navegación Ir a la búsqueda
Articlo d'os 1000
Araina
Orb weaver spider day web2.jpg
Araina en a suya tiraraina.
Reino: Animalia
Filo: Arthropoda
Clase: Arachnida
Orden: Araneae

As arainas (Araneae) son uns artropodos queliceratos respiradors d'aire que tienen ueito garras, y quelicers modificatos en catirons capables d'inchectar vereno. As arainas viven en totz os continents fueras de l'Antartida, y s'han establito en quasi totz os nichos ecolochicos, fueras d'a mar y l'aire. En 2008 s'heban descrito alto u baixo belas 40.000 especies d'araina y 109 familias.[1] Manimenos, existe un debate adintro d'a comunidat scientifica sobre como calerba clasificar totz os cheneros, como contrimostra o feito de que s'haigan publicato más d'una vintena de clasificacions dende l'anyo 1900.[2]

As arainas tienen a capacidat de producir seda con a quala fan tirarainas, embolican as presas que atrapan en ellas, protechen os suyos refuchios y se deixan levar per l'aire.

En a cultura popular[editar | modificar o codigo]

Folklore y mitolochía[editar | modificar o codigo]

As arainas han estau y estan presents en a mitolochía, simbolochía y o folklore de todas as culturas dende l'antiguidat dica l'actualidat. Las arainas s'han utilizau pa representar la paciencia por as suyas tecnicas de caza basadas en teixir retz y asperar a que caiga bella presa, asinas como la maldat per o suyo vereno y la muerte lenta que causa este.

Una d'as leyendas mas antigas ye a historia que conta a competición que levoron a cabo a diosa griega Atenea y a princesa Aracne. Esta fabula estió incorporada a la mitolochía griega muito mas tarde, quan Ovidio escribió o suyo famoso poema As metamorfosis, entre los anyos 2 y 8.

Ye famosa a representación d'una araina en las Lineas de Nazca y o chugador de fútbol sovietico Lev Yashin, considerau un d'os millors porters de siempre, fue apodau A Araina Negra por vestir siempre de negro y a suya habilidat pa plegar a qualsequier chute a puerta.

En o cine y televisión[editar | modificar o codigo]

Tanto en o cine como en a televisión, as arainas han estau presents dende fa muitos decenios, especialment en cintas de terror, que s'han serviu d'ellas pa causar espanto entre o publico, especialment entre os quals tienen aracnofobia. Entre ixas cintas destacan Tarantula de 1955, Kingdom of the Spiders de 1977 protagonizada per William Shatner, Arachnophobia de 1990, Eight Legged Freaks de 2002 u Charlotte's Web de 2006, amás d'as cintas d'Spiderman.

Referencias[editar | modificar o codigo]

  1. (en) The World Spider Catalog, version 9.5, Norman I. Platnick. American Museum of Natural History
  2. (en) F. Foelix: Biology of Spiders Rainer, 1996. Oxford University Press. 198 Madison Ave. NY, New York, 10016 ISBN 0-19-509593-6