Aramón Formigal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aramón Formigal
Anvista dende o Collado.
Situación cheografica
Situación	Val de Tena, Pireneu aragonés
Altaria maxima	2.250 m
Altaria minima	1.500 m
Pistas
Total km.	137 km
Pistas	90
Pista mas gran	4 km
Verdas	7
Azuls	16
Royas	29
Negras	38
Travesía	4
Fundo	2
Terrain parks	2
Esquí nocturno	Si
Remontaderas
Telesquís	7
Telecadieras	11
Telecabinas
Cintas	4
Nieu artificial
Canyons	385
Superficie	25.5 km²
Datos chenerals
Pachina oficial	www.formigal.com
Correu-e	información@formigal.com
Telefono	974 490 000
Fax	974 490 231

Aramón Formigal ye una estación d'esquí aragonesa d'o grupo Aramón situata en O Fornigal, termin municipal de Sallent de Galligo, en a val de Tena (Pireneu Aragonés).

Con 137 kilometros de superficie esquiable ye a estación d'esquí mas gran d'o Pireneu y tamién a mas gran d'o Estato espanyol.

Zonas

A estación ye dividita en 4 grans zonas, subdividitas en atras mas chicotas:

• Zona Tres Hombres (Crestas) ye a zona mas oriental d'a estación y tamién a mas antiga. O pico Tres Hombres, a tuca mas alta d'a estación, da nombre a la zona a on se i troba. S'encluye en ista zona d'a estación a zona Sextas a on d'antis mas yera o "uego" u telecabina Sextas que puyaba dende a urbanización dica la zona Cantal. A zona Tres Hombres ye tradicionalment una zona d'esquiadors expertos con muitas pistas negras y royas como a mitica Tres Hombres, con un descenso de 800 m dende una cota de 2.300.
• Zonas Sarrios unita a l'anterior a traviés d'a zona Cantal, ye a segunda zona mas antiga. Bi ha tot tipo de servicios como restaurant y cafetería y a Escuela Española d'Esquí. En a parti mas alta d'ista zona se situa la dita zona Izas con una chicota cafetería. Ye una zona ta esquiadors meyos y prencipiants.
• Zona Anayet, desalpartata de l'anterior por o pico Royo, se i accede a traviés d'o Collado. Ye una d'as zonas mas modernas y tien toz os servicios como restaurant, cafetería y escuela d'esquí.
• Zona Portalet, ye a mas moderna d'as zonas de Formigal. S'estendilla dica o Portalet, cuasi en a muga con Francia, y por a val d'Espelunciecha, en a mas polemica d'as enamplacions d'a estación. S'ubrió lo 6 de chinero de 2005.

Servicios

Ofreixe os servicios habituals d'una estación d'esquí remuntes, anfermería, escuela d'esquí, logadura de material, restaurants, etcetra. Tamién ye ubierta en estiu con una gran cantidat de posibilidaz en a val de Tena como baixata de barrancos, espeleolochía, puenting, rafting, Mountain Bike u pesca.

Antimás tien 3 pistas especials: Snow Park, Bidio Slalom y Tubers.

Vinclos externos

• Pachina d'a estación d'esquí.
• Listau d'estacions de Infoaventura.
• Listau d'estacions de Todonieve.