Apatito
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Apatito | ||
|---|---|---|
| ||
| Categoría: | fostatos | |
| Clase: | 8.BN.05 (Strunz) | |
| Formula quimica: | Ca5(PO4)3(F,Cl,OH) | |
| Color: | variable, a sobén verdenco | |
| Lustre: | vitrio u subresinoso. | |
| Sistema cristalín: | hexagonal | |
| Habito: | tabular, prismatico, masivo, compacto u granular | |
| Trencadura: | concoidea | |
| Dureza: | 5 | |
| Densidat: | 3,16-3,22 | |
L'apatito ye un mineral con formula quimica Ca5(PO4)3(F,Cl,OH), por o que puet considerar-se un grupo de minerals con series isomorfas adintro d'os fostatos: Hidroxilapatito, Fluoapatito y Clorapatito. L'apatito presenta una dureza que define a posición 5 en a escala de Mohs.
L'apatito ye un mineral accesorio en as rocas graniticas, presenta a suya mayor abundancia en as rocas fosfatatas y se fa servir como fertilizant
O Hidroxilapatito ye present os vertebratos en a part mineral d'os uesos y en o esmalt d'os dients. Ye present en pocos atros filums d'animals como os braquiopodos.
Chacimientos en Aragón[editar | modificar o codigo]
Por a suya presencia como mineral accesorio en qualques rocas se puet considerar que ye abundant a ran microscopico, y efectivament se documenta como mineral accesorio en os porfidos quarcifers d'a Sierra d'Albarrazín a man de Noguera d'Albarrazín. Cristals verdes d'habito prismatico en trobamos en l'Aneto chunto con turmalina. Tamién bi ha apatito accesorio en as ofitas u doleritas d'Aulet.
En Santa Cruz de Nogueras bi ha apatito de color negro en nodulos de roca fostata que bi ha en as calsineras d'a redolada chunto a menas de plomo.
Bibliografía[editar | modificar o codigo]
- Olaf Medenbach, Cornelia Sussieck-Fornefeld "Minerales" Guías de la naturaleza Blume. 1990.
- Josefina Besteiro, Miguel Calvo, Andrés Pocoví, Emilia Sevillano, Minerales de Aragón. Mira Editores S.A, 1988.