Antonio Tovar

De Biquipedia
Ir a la navegación Ir a la búsqueda
Antonio Tovar Llorente
Información personal
Calendata de naixencia 17 de mayo de 1911
Puesto de naixencia Flag of Spain (1785–1873, 1875–1931).svg Valladolit (Castiella, Espanya)
Calendata de muerte 13 d'aviento de 1985
Puesto de muerte Flag of Spain.svg Madrit (Espanya)
Ocupación Filologo, lingüista y historiador

Antonio Tovar Llorente, naixito de Valladolit (Castiella) o 17 de mayo de 1911 y muerto en Madrit o 13 d'aviento de 1985, estió un filologo, lingüista y historiador espanyol, miembro d'a Real Academia Española.

Fillo de notario, vivió de nino en o País Vasco y en o País Valencián, a on i aprendió o vasco y o catalán. Estudiant de Dreito, Historia y Filolochía en quantas universidatz, estió en primeras president d'a Federación Universitaria de Estudiantes en a suya ciudat natal, ta dimpués esdevenir colaborador de Dionisio Ridruejo y de Falange Española. En primerías d'a Guerra Civil espanyola estió responsable de Radio Nacional de España d'os sublevatos en a Chunta de Burgos, esdevenindo dimpués aduyant de Ramón Serrano Súñer, menistro d'Asuntos Foranos d'o rechimen de Francisco Franco.

Sindembargo, dende 1942 se deseparó d'a vida politica, ganando una catedra en a Universidad de Salamanca, d'a on dimpués esdevenió rector. Prencipió tamién o suyo distanciamiento con o franquismo, habendo mesmo d'exiliar-se; antiparte, en tornar en Espanya se solidarizó con os profesors Enrique Tierno Galván, José Luis López Aranguren, Agustín García Calvo y Santiago Montero Díaz quan foron expedientatos, marchando una atra vegata enta Estatos Unitos y dimpués en Alemanya dica a suya chubilación.