António de Oliveira Salazar
.png)
.svg){kind=small}
António de Oliveira Salazar, naixiu de Vimiero (Santa Comba Dão, Reino de Portugal) o 28 d'abril de 1888 y muerto en Lisbona (Portugal) o 27 de chulio de 1970, estió un economista, profesor universitario y politico portugués, establidor d'una dictadura en o país, continadora d'a dictadura militar establida dimpués d'o golpe d'estato militar de Mendes Cabeçadas y succedida por Gomes da Costa. Dende o cargo clau de Ministro de Finanzas de Portugal, que ocupó dende 1926, plegó enta o cargo de President d'o Consello de ministros de Portugal en 1932, creyando un partiu politico ta organizar o suyo poder personal (a União Nacional) y establindo os fundamentos d'o dito Estado Novo (Estau Nuevo), un rechimen politico autoritario y nacionalista, amanau a o faixismo de Benito Mussolini y a o franquismo de Francisco Franco.
Lo 27 de setiembre de 1968, lo president Américo Tomás clama a lo profesor Marcelo Caetano pa que substituiga a lo profesor Salazar, incapacitau pa las fayenas de gubierno por caida producida un mes dinantes y que afectó seriosament la salut de Salazar. Dengún, manimenos, s'atrivió a notificar a Salazar ista decisión. De feito, dica lo suyo feneiximiento en 1970, qui trataba diariament con él le feban creyer que encara gubernaba lo país, mesmo dimpués d'haber asumiu lo gubierno lo profesor Caetano. Él creyió que continó en o poder dica la suya muerte.
Se le dió sepultura en a parroquia de Vimieiro, en Santa Comba Dão, en una modesta fuesa an descansa con os suyos pais.
Vida personal
[editar | modificar o codigo]Hombre fredo y distant, cuasi no mantenió tractos con as suyas chirmanas que yeran los solos familiars directos que viviban cuan accedió a lo poder, nomás manifestaba cordialidad con cualques intimos, como lo suyo ahijada con a cuala en as escasas imáchens en as cualas se le veye sonrient ye en a suya companyía.
De Salazar, soltero, se diz que mantenió cuantas relacions amorosas con mullers muito mas chóvens que él. A lo largo d'a suya vida estió atendiu per Maria de Jesús, la suya duenya de claus.
Obras publicas
[editar | modificar o codigo]Con un gubierno transformau en o rechimen mas lonchevo d'Europa Occidental, igual que atros dictadors establius mientres un largo periodo de tiempo, Salazar deixó cuantas obras publicas megalomanas tals como: lo puent Salazar (agora Puent 25 d'Abril), lo mirador-monumento a Cristo-Rei, que contrimuestra la suya alianza con o catolicismo conservador de Portugal, lo Estadio Nacional de Portugal, lo Aeropuerto de Lisbona, l'Instituto Nacional d'Estatistica de Portugal y las primeras autopistas.
Bibliografía
[editar | modificar o codigo]- (en) Salazar, António de Oliveira (1939). Doctrine and Action: Internal and Foreign Policy of the New Portugal, 1928–1939. London: Faber and Faber. ASIN B00086D6V6.
- (en) Kay, Hugh (1970), Salazar and Modern Portugal, Londres: Eyre & Spottiswoode.
- (pt) de Meneses, Filipe Ribeiro (2011), Salazar: biografia definitiva, 1ª, São Paulo: Leya. ISBN 978-85-8044-085-0.
- (en) Gallagher, Tom, Salazar: the dictator who refused to die. ISBN 1-78738-388-1.
- (pt) Ferro, António (2003), Entrevistas de António Ferro a Salazar, Parceria A.M. Pereira. ISBN 978-972-8645-16-8.
Vinclos externos
[editar | modificar o codigo]
Se veigan as imáchens de Commons sobre António de Oliveira Salazar.
| Control d'autoridaz |
|
|---|
Datos: Q151394- Multimedia: António de Oliveira Salazar / Q151394