Andesita
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Andesita ye una roca volcanica que corresponde a lo campo 10 d'o diagrama de Streckeisen. Dimpués d'o basalto ye a roca volcanica més abundant d'o mundo, estando tipica d'o magmatismo calco-alcalino d'arias de subducción en arcos-isla y orochens de marguin continental como os Andes, d'on prene o suyo nombre.
Composición
[editar | modificar o codigo]Entre os feldespatos predominan as plachioclasas, que representan més d'o 90 %, estando os feldespatos alcalins por de chos d'o 10 % d'o volument total de feldespatos. As plachioclasas son zonatas, con nuclios de labradorita y byownita y marguins d'oligoclasa. O quarz ye menos d'o 20% d'o volumen total de quarz y feldespatos, y si bi ha feldespatoides puet faltar. Os feldespatoides no pueden sobrepasar o 5 % d'o total en volumen de feldespatos y feldespatoides.
Entre os minerals escuros ye tipica a hornblenda (un anfíbol), de color verdenca a marrón. Puet haber-ie ortopiroxens como a broncita y hiperstena, clinopiroxens como l'auchita, y biotita. En andesitas escuras tendents a lo basalto podemos trobar olivín, y no i habrá quarz. Atros silicatos que se puet trobar en as andesitas son os granatz y a cordierita.
Entre os minerals accesorios se puet trobar magnetita con titanio.
Textura
[editar | modificar o codigo]A textura ye a sobén porfidica, pero tamién bi ha andesitas de gran fin sin grans cristals. A vegatas os cristals d'hornblenda son orientatos en o sentito d'una corrient anterior a la cristalización (estructura fluidal).
Chacimientos
[editar | modificar o codigo]En os Pireneus bi habió erupcions volcanicas de magmas andesiticos en o Permico, y os pocos restos que en quedan son as andesitas d'o Pico Anayet y de Midi d'Osal.
En l'anticlinal de Mont-Albán bi ha andesitas d'edat carbonifera.
Bibliografía
[editar | modificar o codigo]- Walter Maresh, Olaf Mendenbach "Las Rocas" Guías de Naturaleza Blume. 1990.
