Analís clinico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un analís clinico u una analisi clinica u preba de laboratorio ye un tipo d'exploración complementaria, que un medico demanda a un laboratorio clinico ta confirmar u descartar un diagnostico.

Fa parti d'o proceso d'atención a o pacient. S'empara en o estudio de distintas muestras biolochicas por meyo d'o suyo analís en o laboratorio y da un resultau obchectivo, que puede estar cuantitativo (un numero, como en o caso d'a cifra d'a glucosa) u cualitativo (positivo u negativo).

Interpetación

O resultau d'un analís clinico ye aintro d'as valors de referencia establius ta cada población, y requiere d'una interpretación medica. No han de trafucar-se ixos dos conceptos: d'una man, o resultau d'a preba, feita en o laboratorio, y d'atra, a interpretación que o medico da a ixos resultaus.

En fer un analís clinico s'ha a tener siempre en cuenta as caracteristicas propias de cada preba diagnostica, como son: a especificidat, a sensibilidat, a valor predictiva, a exactitut, a precisión y a validez (analitica, clinica y util de dita preba), asinas como a preparación y replega d'a muestra u o rango de referencia.

Historia

Una d'os primers analises clinicas estió a preba d'o prenyau, inventada por Carlos Galli Mainini en 1948, la cual venió a reemplazar a descrita por Friedman.

Actualment en os laboratorios, imperan os analisadors clinicos automatizaus, computerizaus y especializaus en diferents campos analiticos como hematolochía, como hemograma, bioquimica clinica, urianalís, microbiolochía, y chenetica entre atras. Os examens electronicos, de radioinmunoanalís, y metodos enzimaticos han permitiu de dosificar con gran exactitut cantidaz chicotas como nanogramos, microgramos u picogramos, cosa que fa posible a determinación de marcadors tumorals, identificación d'anticuerpos, y dosificacions hormonals. Istos analizadors clinicos y os kits de reactivos son, en cheneral, productos sanitarios ta diagnostico in vitro.

• Datos: Q4892264