Quimica analitica

De Biquipedia
Ir ta: navego, busca
Articlo d'os 1000
Animación d'a variación d'o ph mientres una valoración

A quimica analitica ye a branca d'a quimica que consiste en l'analís de muestras de substancias diversas ta determinar-ne a suya composición quimica; asinas como o estudeo d'as tecnicas ta fer analís y estudear os datos (quimiometría).

Bi ha dos tipos prencipals d'analís quimica:

  • Analís qualitativa, que mira d'establir a presencia u ausencia d'un determinato elemento u compuesto quimico en a muestra por dencima d'un determinato ran.
  • Analís quantitativa, que mira de mesurar a cantidat u proporción exacta d'un determinato elemento u compuesto quimico en a muestra. Iste ye o tipo d'analís mas freqüent en a quimica analitica moderna.

En quimica analitica cal meter prou ficacio en a cullita y tractamiento d'as muestras, y emplegar as ainas estatisticas adequatas ta poder obtener a maxima precisión y exactitut d'as mesuras.

As tecnicas fisico-quimicas emplegatas son muit variatas. As mas habituals hue en día se basan en a espectroscopia. Tamién existen tecnicas clasicas como a gravimetría y a volumetría, tecnicas basatas en mesuras electricas ya sía de potencial (potenciometría), de corrient (amperometría) u d'a relación entre as dos (voltamperometría).