Albert Charlot

De Biquipedia
Ir a la navegación Ir a la búsqueda
Albert Charlot
Información personal
Calendata naiximiento: 17 d'agosto de 1892
Puesto naiximiento: Flag of the Basque Country.svg La Rentería, País Vasco
Esporte: Atletismo
Profesional en: Atleta y entrenador.
Títols
Campión d'Espanya de 50 km marcha en 1922.
Récords d'Espanya de 5.000 metros marcha (1917-1918), 50 km marcha en ruta (1922-1932) y 100 km marcha.

Albert Charlot Gadnaire, naixito de La Rentería o 17 d'agosto de 1892 de país franceses y muerto en Barcelona en l'anyo 1991, fue un poliesportista de prencipios d'o sieglo XX que practicó ciclismo, rugby, cursas de montanya y atletismo, esporte que prencipió a practicar fendo cursas de velocidat, medio fondo, tirada de peso y disco, pero a suya gran contrebución estió a introducción en Catalunya y a l'Estato Espanyol d'a marcha atletica, preba en a que fue una figura destacata.

Tamién fue parte d'os esportistas que facioron o primer partito de rugby con un equipe de chugadors espanyols quan en o mes de mayo de 1911 se fació un partito de exhibición entre os equipes d'o Club Deportivo Espanyol y l'equipe francés Patrie, con franceses que hi viviban en Barcelona que finalment ganaron por 7 a 0. Por l'equipe francés chugaron: Vaillós, Langlois, Lattes, Guiraud, Boix; Conredor, Mizraki; os chirmans René y Albert Charlot, Villeneau, Reinhard, Clement, Artigas, Folleux y Boneau. Os chugadors d'o CD Espanyol: Castillo; Sampere, Larragaña, Dutisconet, Fidalgo; Rubio, Fidalgo; Rubio, Casas, Santiago Massana, De Guibert, Barraquer, Artigas, Pedro Gibert "El Grapas" y Nogareda.[1] [2]

Yera una persona muit conoxita en Barcelona por a suya polivalencia esportiva y por a suya tintoreria que teneba chunto a suyo chirmán en calle Aribau de Barcelona, o negocio estió activo dica os anyos 1980 quan se transformó en un café. [3]

Carrera atletica[editar | editar código]

L'atletismo fue l'esporte a on aconsiguió millors resultaus y tamién el que practico mientres mas anayatas. Prencipió con l'equipe d'a SS Pompeia a on practicó tenis y atletismo, pero rapedament cambió ta o CD Espanyol fendo tota mena de prebas a on amostró a suya versatilidat. Tenió os récords de Catalunya de 100, 400, 1.500 i 5.000 metros lisos, tamién practicó tirada de peso y disco, pero a suya gran contrebución a l'atletismo estió a introducción en Catalunya y en l'Estato espanyol d'a marcha atletica. Fue un destacato marchador que aconsiguió ser campión d'Espanya de 50 km marcha en a primera edición dó campionato en 1922 y tercero en a quarta en 1931 nueve anyatas dimpués. Tenió os records d'Espanya de 5.000 metros marcha en pista, 50 km marcha en ruta y 100 km marcha en ruta. [4]

O 15 d'Octubre de 1922 en Barcelona se face o primer Campionato d'Espanya de Marcha Atletica en a distancia de 50 kilometros. O cercuito yera un recorrito muit amplio por localidatz mugans con Barcelona, a sortida d'a cursa fue en o Parque d'a Ciudadela de Barcelona, dimpués se trescruzó Badalona dica Arenys de Mar y dimpués se torna por Alella y Granollers dica a meta en o Parque d'a Ciudadela. Albert Charlot aconsiguió o primer puesto con una marca de 5h14'15" y récord d'Espanya mientres once anyatas dica que Gerau García aconsiguió bajar d'as 5 horas en 1933. O suyos equipes d'atletismo fuoron a SS Pompeya y o Club Deportivo Espanyol.

Como corredor de montanya ganó todas as cursas que se facioron en Catalunya en as que participó.

Una vegata acabata a Guerra Civil y ya retirau d'a practica esportiva fue entrenador de bells rechimientos de l'exercito espanyol y dimpués d'a chovenalla d'a sección d'atletismo d'o RCD Espanyol.[5]

Honors[editar | editar código]

  • Dende 1940 dica o 1961 a Unió Esportiva Gracienca organizó o Trofeu Albert Charlot en o suyo honor. [6]
  • En 1987 a Dirección Cheneral de L'Esport d'a Cheneralidat de Catalunya li concedió a Medalla Forjadors de la Història Esportiva de Catalunya.

Referencias[editar | editar código]

Vinclos externos[editar | editar código]


Predecesor:
Establimento d'a preba
Campión d'Espanya de 50 km marcha
1922
Succesor:
Flag of Catalonia.svg Romà Castelltort
Predecesor:
Establimento d'a preba
Récord d'Espanya de 5.000 metros marcha
18 de noviembre de 1917 - 1 de setiembre de 1918
Succesor:
Flag of Catalonia.svg Enrique Badía
Predecesor:
Establimento d'a preba
Récord d'Espanya de 50 km marcha
15 d'octubre de 1922 - 10 d'abril de 1932
Succesor:
Flag of Catalonia.svg Gerau García