Agustín Pérez-Lizano García

De Biquipedia
Ir a la navegación Ir a la búsqueda
Agustín Pérez-Lizano García
Información personal
Calendata de naixencia 1871
Puesto de naixencia Flag of Aragon.svg Zaragoza (comarca de Zaragoza, Aragón)
Calendata de muerte 18 d'abril de 1936
Puesto de muerte Flag of Aragon.svg Zaragoza (comarca de Zaragoza, Aragón)
Ocupación Advogato, periodista y politico
Conchuche Victoria Pérez Labarías
Fillos Manuel Pérez-Lizano y Pérez
Partito politico Derecha Liberal Republicana

Agustín Pérez-Lizano García, naixito de Zaragoza (comarca de Zaragoza) en 1871 y muerto en ixa mesma capital o 18 d'abril de 1936, estió un advogato, periodista y politico aragonés d'ideyolochía republicana.

Instalato dende 1899 en a ciudat de Calatayú, i fundó un diario republicanista, dito La Justicia, que se mantenió activo dica a sublevación faixista d'o 18 de chulio de 1936, quan fue clausurato. Estió organizador d'o republicanismo en a a comarca d'a comunidat de Calatayú, que esleyó un deputato republicán.

Dende 1927 tornó enta Zaragoza, mientres a dictadura de Miguel Primo de Rivera, organizando-ie un partito politico republicán dito Derecha Liberal Republicana, vinclato con Niceto Alcalá-Zamora y Miguel Maura. Dimpués d'a proclamación d'a Segunda Republica Espanyola, estió Delegato Rechional de Treballo en Aragón, estando prou bien considerato en medios anarquistas d'a Confederación Nacional d'o Treballo por a suya equanimidat.

Casato con Victoria Pérez Labarías, yera pai de Manuel Pérez-Lizano y Pérez, qui estió alcalde de Zaragoza y president d'a Deputación Provincial de Zaragoza, ocupando iste zaguer cargo a la muerte d'o suyo pai. Pocos meses dimpués d'a suya muerte, o suyo fillo fue asasinato por os golpistas, albandonando-se o suyo cuerpo a o canto d'a Canal Imperial d'Aragón.

Vinclos externos[editar | editar código]