Amaiur (coalición politica)

Iste articlo ye sobre una coalición electoral basca; ta atros usos, se veiga Amaiur (desambigación).

Amaiur
Datos chenerals
Líder	Coalición de partius
Periodo	{{{periodo}}}
Establiu	2011
Desaparición	{{{desaparición}}}
Seu
Ideolochía	Socialismo, nacionalismo basco, ezquierda abertzale, euskaldunización, progresismo
Colors	Azul
Estau
País	{{{país}}}
Comunidat autonoma	{{{ccaa}}}
Rechión	{{{rechión}}}
Coalición de	{{{coalición}}}
Afillatura europea
Afillatura internacional
Partiu politico	{{{partiu}}}
Chovenalla
Web
Web	Pachina oficial

A coalición electoral Amaiur ye una coalición politica basca que arrocla a los partius Alternativa, Aralar y Eusko Alkartasuna y a independients d'ideolochía nacionalista basca d'ezquierdas. Establita ta concurrir a las eleccions chenerals d'Espanya de 2011, o suyo obchectivo ye d'esfender dende Euskal Herria lo dreito d'autodeterminación d'ista en o Congreso d'os Deputaus y lo Senau d'Espanya.

A coalición prene o suyo nombre d'o lugar navarro d'Amaiur (Maya en castellano), an i tenió puesto o setio d'o castiello d'Amaiur, uno d'os zaguers episodios d'a resistencia navarra mientres a conquiesta d'o Reino d'a Navarra peninsular por parte de Castiella en o sieglo XVI.

Historia

En as primerias d'agosto de 2011 a coalición Bildu fació arribar tanto a lo PNV como a Aralar una proposa ta configurar una sola candidatura nacionalista basca u abertzale ta as eleccions d'o 20 de noviembre, que s'habria d'estendillar a los cuatre territorios d'a dita Euskal Herria. Mientres que lo PNV refusa la ufierta, Aralar l'acceptará en asamblea dimpués que lo refirma-se un 61,4% d'a militancia d'o partiu. I habendo por contra un 35% que la refusaban y un 3% que s'abstenió. Iste feito prevoca de facto la imposibilidat de concurrir a las eleccions de Nafarroa Bai, en estar iste lo prencipal partiu d'a coalición navarra y qui tien rechistrau lo nombre en o Rechistro de Partius Politicos. D'ista manera, d'as restas de Nafarroa Bai: os partius PNV, Atarrabia Taldea (Grupo Atarrabia), amás d'os independients que son constuitos en a plataforma Zabaltzen (Estendillando) forman a Coalición Geroa Bai (Sí a l'esvenider u Esvenider sí) ta poder presentar-se-ie.

A coalición fació a suya primera aparición publica lo 27 de setiembre en Sant Sabastián, fendo o suyo primer acto politico unos dias mas tarde, o 2 d'octubre, en o Palacio de Congresos Baluarte de Pamplona, estando ista a presentación uficial d'a coalición. En el prenioron parte por as diferents fuerzas d'a coalición: Patxi Zabaleta por Aralar, Amaia Agirresarobe d'Alternativa, Pello Urizar d'Eusko Alkartasuna y Txelui Moreno como representant d'a ezquierda abertzale.

Reaccions

Acto de presentación d'a coalición.

O 5 d'octubre, nomás tres dias dimpués d'a presentación uficial d'a coalición, surtió en publico o portavoz d'o PP, Esteban González Pons, demandando y desichindo a lo Gubierno que se li negase la posibilidat a la nueva coalición de fer parte d'as eleccions. Un dia mas tarde la Fiscalia Cheneral de l'Estato manifestó que "ordenaría a los servicios antiterroristas que fesen un seguimiento exhaustivo d'as comparixencias d'os representants d'Amaiur".