How the West Was Won

Iste articlo ye sobre una cinta de western epico estausunidense de 1962; ta atros usos, se veiga How the West Was Won.

How the West Was Won
Títol	How the West Was Won
Póster d'a cinta, al cudiau de Reynold Brown.
Ficha tecnica
Dirección	Henry Hathaway John Ford George Marshall
Dirección artistica	George W. Davis William Ferrari Addison Hehr
Producción	Bernard Smith
Guión adaptau	James R. Webb
Basau en	How the West Was Won, publicau en Life
Musica	Alfred Newman Ken Darby
Fotografía	William Daniels Milton Krasner Charles Lang Joseph LaShelle
Montache	Harold F. Kress
Escenografía	Henry Grace Don Greenwood Jr. Jack Mills
Vestuario	Walter Plunkett Ron Talsky
Maquillache	William Tuttle
Peluquería	Sydney Guilaroff
Actors	Carroll Baker Lee J. Cobb Henry Fonda Carolyn Jones Karl Malden Gregory Peck George Peppard Robert Preston Debbie Reynolds James Stewart Eli Wallach John Wayne Richard Widmark Walter Brennan Andy Devine Raymond Massey Agnes Moorehead Thelma Ritter
Color	Technicolor
Narrador	Spencer Tracy
Datos y cifras
País(es)	Estaus Unius
Anyo	1962
Debantadera	1 de noviembre de 1962 Reino Uniu
	20 de febrero de 1963 Estaus Unius
Chenero(s)	Cine de western Cine epico
Durada	164 min.
Idioma(s)	Anglés Arapaho
Companyías
Productora(s)	Metro-Goldwyn-Mayer Cinerama Productions Corp.
Distribución	Metro-Goldwyn-Mayer
Presupuesto	14.483.000 dólars
Recauto	50.000.000 de dólars
Informacions en bases de datos especializadas:

How the West Was Won (títol orichinal en anglés, en aragonés Cómo se conquirió l'Ueste, enguerada en Aragón con o títol en castellano de La conquista del Oeste, en aragonés A conquiesta de l'Ueste) ye una cinta d'o cine estausunidense de l'anyo 1962, una gran superproducción de cine de western epico dirichida por Henry Hathaway, John Ford y George Marshall seguntes un guión adaptau por James R. Webb basando-se en How the West Was Won, un articlo publicau en a revista Life. A suya banda sonora orichinal, considerada como una d'as mas espectaculars d'a Historia d'o Cine, ye un treballo d'Alfred Newman y Ken Darby, con una dirección de fotografía de William Daniels, Milton Krasner, Charles Lang y Joseph LaShelle y una producción cinematografica de Bernard Smith ta las productoras Metro-Goldwyn-Mayer y Cinerama Productions Corp.. L'elenco d'actors d'a cinta, tamién considerau como un d'os mas espectaculars d'a Historia d'o Cine, ye formau por a mayor parte d'os actors principals d'ixas envueltas d'o cine estausunidense, en destacando en os suyos papels principals Carroll Baker, Lee J. Cobb, Henry Fonda, Carolyn Jones, Karl Malden, Gregory Peck, George Peppard, Robert Preston, Debbie Reynolds, James Stewart, Eli Wallach, John Wayne, Richard Widmark, Walter Brennan, Andy Devine, Raymond Massey, Agnes Moorehead u Thelma Ritter, entre muitos d'atros. Spencer Tracy ye lo narrador en off d'a historia.

A cinta s'ambienta en escenarios d'o Viello Ueste americano en momentos concretos en os anyos 1839, 1851, 1861, 1865, 1868 y 1889 y basicament en os estaus de California y Arizona, rodando-se en California, Dakota d'o Sud, Illinois, Kentucky, Oregón y Utah. Conta a traviés de capítols independients a historia d'una familia de colons que marcha enta l'ueste y viven todas as vicisituz propias d'o western: ataques d'indios, incendios, bandius, ferrocarrils y la Guerra Civil d'os Estaus Unius, en amostrando as capacidaz d'adaptación d'ixos primers colons a las duras condicions de vida que troboron. Planificada como una gran superproducción que amostrase a lo publico estausunidense y mesmo forano las capacidaz d'una gran nación, conta con un amplo elenco de destacaus actors y con un acurau treballo con a suya banda sonora, a on se recullen belas viellas cancions y que l'han feito convertir-se en como una d'as bandas sonoras mas reconoixibles d'o cine. Ye una cinta que recibió cuantismos premios y nominacions, en destacando tres Premios Oscar y cuatre nominacions en a suya 36^ena edición.

Elenco

Actor	Papel	Notas
	'

Se veiga tamién

• Cine en 1962.
• Cintas de 1962.

Vinclos externos

• Se veigan as imáchens de Commons sobre How the West Was Won.
• (en) How the West Was Won en Internet Movie Database.
• (es) How the West Was Won en FilmAffinity.
• (fr) How the West Was Won en Allociné.
• (en) How the West Was Won en Roten Tomatoes.
• (en) How the West Was Won en Letterboxd.
• (en) How the West Was Won en Box Office Mojo.
• (en) How the West Was Won en AllMovie.
• (en) How the West Was Won en l'American Film Institute Catalog de l'American Film Institute.