Sender

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre os senders. Ta o escritor aragonés se veiga Ramón J. Sender.

Un sender.

Un sender u sendero (d'o latín < semita) ye una vía de comunicación terrestre, d'o tipo d'os camins anque con un trazato mas abrupto y estreto que os camins convencionals, que resigue o trazato d'una senda. Os senders son mas estreitos que os camins, por o que a sobén en o suyo recorrito bi ha puestos por a on que no i puede pasar a la vegada nian dos personas u animals, y se i ha de pasar en ringlera.

Muitas vegadas, os senders dimanan de l'acondicionamiento d'una senda anterior y son empedratos lo menos en bels transeptos d'o suyo recorrito. No ye raro que s'haiga devantau muros ta guardar as espuendas que i colindan, u que i haiga puents rusticos ta salvar barrancos u cequias. En muitos casos de poblacions mas u menos remotas, un u cualques senders son as solas vías con as que se i gosa arribar.

Clasificación

Muitos senders han estau cartografiatos y s'han dato a conoixer pa la practica d'esportes en a naturaleza, como o senderismo. Belatros manimenos no, y continan estando desconoixitos a muita chent, a sobén porque comunicaban lugars u masadas actualment deshabitatos u porque conduciban enta puestos que en l'actualidat han perdito lo suyo interés, y por a manca de mantenimiento lo suyo trazato ha gosato desapareixer en mayor u menor mesura. Nomás os primers han estau obchecto d'estudio y clasificación.

A marca caracteristica d'un GR.

Seguntes a clasificación d'a Federación Española de Deportes de Montaña y Escalada, existe tres categorías de senders homologatos:

• Senders de gran recorrito u GR; os que superan os 50 km (u dos chornadas) de recorrito. Marcatos con francha blanca y roya.
• Senders de chichot recorrito u PR (d'o castellano Pequeño Recorrido); os que se troba entre os 10 y 50 km de recorrito u que son pensatos ta poder-se fer en una chornada. Son marcatos con una francha blanca y una amariella.
• Senders locals u SL. De menos de 10 kilometros.

Se veiga tamién

• Senda.
• Camín.
• Pista forestal.
• Tiradera.