Ibn Tifilwit
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ibn Tifilwit | |
|---|---|
| Emir de Saraqusta | |
| 1115 - 1117 | |
| Predecesor | Muhammad ibn al-Hach |
| Succesor | Alifonso I d'Aragón (rei d'Aragón) |
| Naixencia | ? |
| Muerte | Hibierno de 1117 |
Abu-Bakr ibn Ibrahim ibn Tifilwit as-Sahrawi estió gubernador almurabit de Saraqusta de 1115 a 1117. Yera cunyau d'o emir almurabit Alí ibn Yúsuf.
Biografía
Ibn Tifilwit, emir de Saraqusta, s'instaló en a capital de l'Ebro rodiau de poetas como Ibn Jafaya de Alcira. A o contrario que o suyo antecesor, de gran actividad belica, d'Ibn Tifilwit solo se conoixe una chicota baralla contra Borcha y una expedición a Rueda de castigo a Abdelmalik Imad al-Dawla, pues o hudín destronau yera vasallo d'Alifonso I d'Aragón y atacaba o districto de Saraqusta), que remató con un pactó con o suyos habitadors.
Mas que mas o nuevo emir almurabit se dedicó a las actividaz d'a cort y a o luxo, situando como nuclio cultural os salones d'o palacio de l'Alchafaría.
Ibn Tifilwit nombró como visir a o filosofo Avempace, que s'heba convertiu en a personalidat mas destacada d'a intelectualidat zaragozana, pero o carácter d'Avempace fació que s'enemistaran luego, y o gran filosofo fue engarcholau. Una vegada liberau, optó por ir-se-ne d'a ciudat.
En l'hibierno de 1117 muere Ibn Tifilwit, pero ya no le succedería dengún gubierno musulmán. Alifonso I d'Aragón, sin dubda heba parau bien o plan d'asedio a la ciudat, y dentró en ella, dimpués de meyo anyo de setio, o 18 d'aviento de 1118.
Bibliografía
- CERVERA FRAS, M ª José, El reino de Saraqusta, Zaragoza, CAI, 1999. ISBN 84-88305-93-1
- CORRAL, José Luis, Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 84-8069-155-7
- LEMA PUEYO, José Ángel, Alfonso I el Batallador, rey de Aragón y Pamplona (1104-1134), Gijón, Trea, 2008, págs. 95-97. ISBN 978-84-9704-399-1.
- MONTANER FRUTOS, Alberto, "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 84-86794-97-8
- VIGUERA MOLINS, Mª Jesús, Aragón musulmán, Zaragoza, Mira editores, 1988. ISBN 84-86778-06-9
- VIGUERA MOLINS, Mª Jesús, El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 84-88305-27-3
| Predecesor: Muhammad ibn al-Hach |
Gubernador almurabit de Saraqusta 1115-1117 |
Succesor: Alifonso I (rei d'Aragón) |