Batalla de Grunwald
- Iste ye un articlo sobre a batalla de Grunwald u batalla de Tannenberg en 1410; ta atros usos, se veiga Batalla de Tannenberg (desambigación).
| Batalla de Grunwald | |
|---|---|
| [[]] | |
 A batalla de Grunwald, en un cuadro de Jan Matejko. | |
| Información cheneral | |
| Calendata: 15 de chulio de 1410 | |
| Puesto: En as planas entre Tannenberg y Grunwald (Prusia Oriental, hue Stębark, en a Voivodia de Varmia y Masuria, Polonia) | |
| Resultau: victoria decisiva d'a Unión Polaco-Lituana. | |
| En conflicto | |
 Orden Teutonica
|
Unión Polaco-Lituana: Polonia Lituania
|
| Comandants | |
| Ulrich von Jungingen, Gran Mayestre d'a Orden Teutonica (†) Konrad von Lichtenstein, Gran Comendador d'a Orden Teutonica (†) Thomas von Merem, Tresorero d'a Orden Teutonica (†) Friedrich von Wallenrod, Mariscal d'a Orden Teutonica (†)
|
Ladislau II Jogaila (Rei de Polonia) Vitautas o Gran (Gran Duque de Lituania)
|
| Soldaus | |
| 50.000 soldatos | 100.000 soldatos |
| Baixas | |
| 20.000 muertos, encluyendo-ie 200 Caballers Teutonicos, con os prencipals dirichents d'a Orden, encluyendo-ie o suyo Gran Mayestre | 40.000 muertos |
A Batalla de Grunwald (tamién conoixita con cuantos atros nombres) estió una batalla escaicita o 15 de chulio de 1410 mientres a Guerra polaco-lituana-teutonica en as planas entre Tannenberg y Grunwald (Prusia Oriental, hue Stębark, en a Voivodia de Varmia y Masuria, Polonia), en a cual luitoron, d'una man, a Orden Teutonica y, d'atra man, una coalición d'a Unión Polaco-Lituana (Polonia y Lituania) con tartaros y mercenarios procedents de Bohemia.
Qui manaba as tropas d'a Orden estió o suyo Gran Mayestre, Ulrich von Jungingen; y qui manaban as tropas polaco-lituanas estioron Ladislau II Jogaila (rei de Polonia) y Vitautas o Gran (Gran Duque de Lituania). A batalla remató con a redota de raso d'a Orden Teutonica, morindo-ie no nomás o Gran Mayestre sino tamién 200 Caballers y una parte important d'o suyo nuclio dirichent. Antiparte, en Lituania existe una chicota minoría etnica de tartaros, ditos tartaros de Lituania, que se diz que ye fácil que sigan os descendients d'os que luitoron chunto con lituanos y polacos en a batalla de Grunwald.
O nombre d'a batalla
A batalla tien una gran multiplicidat de nombres. O nombre mas emplegato en a historiografía occidental ye batalla de Grunwald emplegando o nombre en polaco d'uno d'os dos puestos amanatos a o lugar d'a batalla, Grunwald, pero gosa emplegar-se tamién mal escrito, como batalla de Grünwald (ixo s'escayece a sobén en a historiografía en castellano, fácil que por malinterpretar que ye un toponimo alemán). No gosa emplegar-se o nombre con a versión alemana del toponimo, batalla de Grünfelde, en estar ista una linia historiografica d'orichen polaco que plega a o resto d'Europa a traviés de Francia.
En a historiografía alemana se prene como nombre d'a batalla o nombre en alemán de l'atro lugar amanato a o puesto a on s'escaició a batalla, Tannenberg, ta decir-se asinas batalla de Tannenberg. No gosa emplegar-se a versión polaca d'o toponimo, que sería batalla de Stębark. Ista denominación no ye prou estendillata en a historiografía europea, en poder-se confundir a mas con facilidat con a batalla de Tannenberg mientres a Primera Guerra Mundial. Qui sigue ista linia historiografica muit minoritaria (a nivel europeu) charra de vegatas de Primera batalla de Tannenberg ta diferenciar-las.
Ta rematar, en a historiografía lituana se puet trobar citata como batalla de Zalgiris.
Curiosidaz
- En a memoria colectiva alemana a Batalla de Grunwald deixó tan mal recuerdo que cuan a ocupación alemana os nazis desfacioron o monumento conmemorativo d'a batalla de Grunwald de Cracovia, actualment reconstruito.
- Se crei que os tartaros que participoron en a batalla de Grunwald se quedoron en a muga de Polonia y Lituania y esto explicaría l'orichen d'os actuals tartaros de Lituania, ixemenatos entre Polonia, Lituania y Belarrusia.
Vinclos externos
Se veigan as imáchens de Commons sobre a batalla de Grunwald.
